ສະພາບແວດລ້ອມສົດໃສ, ອອກແຮງງານປອດໄພ

3 ມິຖຸນາ 2018 21:19

ກປ.ອອນໄລ - ໃນຊຸມປີຜ່ານມາ, ວຽກງານຄວາມປອດໄພ, ສຸຂະອະນາໄມແຮງງານ ແລະປ້ອງກັນ, ຕ້ານໄຟໄໝ້, ລະເບີດຍາມໃດກໍ່ໄດ້ຮັບຄວາມເອົາໃຈໃສ່, ປະຕິບັດເປັນຢ່າງດີຈາກບໍລິສັດ M1 ຈໍາກັດຜູ້ດຽວ (ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ).

ບໍລິສັດຍາມໃດກໍ່ປະຕິບັດບັນດາຂໍ້ກໍານົດຂອງລັດ, ກະຊວງປ້ອງກັນປະເທດຢ່າງເຂັ້ມງວດ; ຈັດຕັ້ງການຊາບຊຶມ, ການສຶກສາອົບຮົມ, ຍົກສູງລະດັບຄວາມຮູ້ໃຫ້ແກ່ພະນັກງານ, ພາລະກອນ, ຜູ້ອອກແຮງງານກ່ຽວກັບວຽກງານຄວາມປອດໄພ, ສຸຂະອະນາໄມແຮງງານ ແລະປ້ອງກັນ, ຕ້ານໄຟ້ໄໝ້, ລະເບີດ. ນັບແຕ່ສຳນັກງານຕະຫຼອດຮອດໂຮງງານລ້ວນແຕ່ໄດ້ຈັດວາງ, ສັບຊ້ອນຢ່າງມີວິທະຍາສາດ, ເໝາະສົມ ; ເຮັດອະນາໄມສິ່ງແວດລ້ອມ, ສຸຂະອະນາໄມອຸດສາຫະກໍາ ໄດ້ຮັບຄວາມເອົາໃຈໃສ່ເປັນພິເສດ. ລະບົບເຄື່ອງອຸປະກອນດ້ານເຕັກນິກ, ພາຫະນະ, ເຄື່ອງກົນຈັກລ້້ວນແຕ່ໄດ້ຮັບການກວດກາ, ຈໍ້າກາ ແລະຕິດຖືກຕ້ອງຕາມຂໍ້ກໍານົດ. ບໍລິສັດຮັບປະກັນບັນດາລະບອບບໍາລຸງ, ປົກປ້ອງແຮງງານຖືກຕ້ອງຕາມຂໍ້ກໍານົດ; ການຝຶກແອບກ່ຽວກັບເຕັກນິກຄວາມປອດໄພ, ສຸຂະອະນາໄມແຮງງານ ແລະມອບໃບຢ້ັງຢືນໃຫ້ແກ່ຜູ້ອອກແຮງງານຢ່າງຄົບຖ້ວນ. ນັບແຕ່ປີ 2015 ມາຮອດປັດຈຸບັນ, ບໍລິສັດບໍ່ປະໃຫ້ເກີດເຫດການຂາດຄວາມປອດໄພໃນການອອກແຮງງານທີ່ຮ້າຍແຮງ; ຈັດຕັ້ງການກວດສຸຂະພາບ, ຮັບປະກັນຜູ້ອອກແຮງງານມີສຸຂະພາບແຂງແຮງບັນລຸກວ່າ 99%.