ອ້າຍ ບຸ່ຍມິງເກືອງ ເລົ່າສູ່ຟັງວ່າ: “ໃນຊຸມວັນທີ່ຫາກໍ່ມາແຫ່ງນີ້, ສິ່ງທີ່ເຮັດໃຫ້ຂ້າພະເຈົ້າເປັນຫວ່ງທີ່ສຸດນັ້ນແມ່ນພາສາຂອງປະເທດເພື່ອນ, ເພາະວ່າ ຂ້າພະເຈົ້າ ແລະບັນດາເພື່ອນຮ່ວມງານຢູ່ Viettel ລ້ວນແຕ່ບໍ່ຮູ້ພາສາລາວ”. ຄາວນັ້ນ, ເພື່ອແກ້ໄຂສິ່ງກີດຂວາງກ່ຽວກັບການພົວພັນແລກປ່ຽນ, ອ້າຍ ເກືອງ ພ້ອມດ້ວຍເພື່ອນຮ່ວມງານຊາວຫວຽດນາມ ເມື່ອໄປຮອດໃສ, ເຮັດຫຍັງກໍ່ໄປນໍາກັນ, ຮຽນໄດ້ຄໍາສັບໃດກໍ່ຈົດໃສ່ປຶ້ມໄວ້ໃນທັນທີ. ເມື່ອຖືກຖາມວ່າ ພາຍຫຼັງ 3 ປີຢູ່ລາວ, ພື້ນຖານພາສາລາວຄົງຈະໄດ້ດີພໍສົມຄວນແລ້ວນໍ? ອ້າຍ ເກືອງ ເວົ້າວ່າ: “ປັດຈຸບັນ, ຂ້າພະເຈົ້າ ສາມາດເວົ້າໄດ້ 80% ຄໍາສັບທີ່ກ່ຽວຂ້ອງເຖິງວຽກງານ, ສ່ວນການໂອ້ລົມທໍາມະດາແມ່ນໄດ້ປະມານ 60% ຈໍານວນຄໍາສັບທີ່ໃຊ້ປະຈໍາວັນ”.
ຮຽນພາສາລາວເພື່ອແລກປ່ຽນພຽງແຕ່ແມ່ນເລື່ອງເລັກໆນ້ອຍໆສໍາລັບ ເກືອງ ກໍ່ຄືເພື່ອນຮ່ວມງານອື່ນໆຢູ່ Viettel, ເພາະວ່າຫຼັງຈາກນັ້ນຍັງມີຄວາມຫຍຸ້ງຍາກຫຼາຍຢ່າງ ເຊິ່ງພວກອ້າຍຕ້ອງຜ່ານຜ່າ, ຈັກແມ່ນຮົ້ວກີດຂວາງກ່ຽວກັບຖະໜົນຫົນທາງ, ພູມີປະເທດ, ອາກາດ... ຍັງບໍ່ທັນໄດ້ເລົ່າໃຫ້ຟັງ, ມີຈຸດເວລາແຕ່ເດືອນ ມີນາ ປີ 2015 ຮອດເດືອນ ມິຖຸນາ ປີ 2017, ອ້າຍ ເກືອງ ຕ້ອງເຮັດທຸກໆວຽກງານດ້ວຍຕົນເອງ ເພາະວ່າ Viettel ສາຂາແຂວງຜົ້ງສາລີ ໃນຕອນນັ້ນມີພຽງແຕ່ອ້າຍຄົນດຽວທີ່ເປັນຊາວຫວຽດນາມ.
    |
 |
|
ທ້າວ ບຸ່ຍມິງເກືອງ (ຜູ້ທີສອງ, ນັບຈາກເບື້ອງຊ້າຍໄປ) ພ້ອມດ້ວຍບັນດາເພື່ອນ ຮ່ວມງານ ຢູ່ Viettel ສາຂາແຂວງຜົ້ງສາລີ. ພາບ: ແຄ໋ງຈີ |
ແຕ່ເດືອນ ມິຖຸນາ ປີ 2014 ມາຮອດປະຈຸບັນ, ໃນຖານະຕໍາແໜ່ງເປັນຮອງຫົວໜ້າຫ້ອງການການເງິນຂອງ Viettel ສາຂາແຂວງຜົ້ງສາລີ, ອ້າຍ ເກືອງ ຍາມໃດກໍ່ມານະພະຍາຍາມຊອກຮູ້, ຮໍ່າຮຽນບັນດາຂ້ັນຕອນ, ເອກະສານໃໝ່, ຄຽງຂ້າງນັ້ນ, ອ້າຍຕັ້ງໜ້າເຮັດວຽກພ້ອມກັບບັນດາເພື່ອນລາວເພື່ອເຂົ້າໃຈວຽກງານກວ່າເກົ່າ, ຈາກນັ້ນຍົກອອກບັນດາການຕີລາຄາ ກໍ່ຄືເປັນເສນາທິການໃຫ້ຂັ້ນເທິງປັບປຸງ, ເພີ່ມເຕີມບັນດາຂໍ້ກໍານົດທີ່ເໝາະສົມກັບວຽກງານໃນສະພາບຕົວຈິງ.
ວັນທີ 1 ທັນວາ ປີ 2017, ທ້າວ ບຸ່ຍມິງເກືອງ ເປັນກຽດໄດ້ມີໜ້າໃນພິທີເຊີດຊູແບບຢ່າງກ້າວໜ້າຮອບດ້ານໄລຍະ 2012-2017 ໂດຍບໍລິສັດໃຫຍ່ຫຸ້ນສ່ວນລົງທຶນສາກົນ Viettel (Viettel Global) ຈັດຕັ້ງ. ອ້າຍ ເປັນກຽດແມ່ນໜຶ່ງໃນຈໍານວນ 15 ຄົນເປັນແບບຢ່າງກ້າວໜ້າໃນບໍລິເວນ 10 ປະເທດ ເຊິ່ງໄດ້ Viettel Global ຕີລາຄາວ່າແມ່ນບັນດາບຸກຄົນບໍ່ພຽງແຕ່ປະກອບສ່ວນຊຸກຍູ້, ສ້າງການຫັນປ່ຽນຢ່າງຕັ້ງໜ້າໃນການເຄື່ອນໄຫວຜະລິດ, ດໍາເນີນທຸລະກິດ, ກໍ່ສ້າງກົມກອງເທົ່ານັັ້ນ, ຫາກຍັງແມ່ນແກ່ນສານແຜ່ຂະຫຍາຍຈິດໃຈແຫ່ງການແຂ່ງຂັນ ໄປເຖິງແຕ່ລະໝູ່ຄະນະ, ພະນັກງານ, ພາລະກອນທຸກຄົນອີກດ້ວຍ.
|
|
 |
|
ການເດີນທາງໄປສໍາຫຼວດເພື່ອຕິດຕັ້ງສະຖານີຂອງກຸ່ມປະຕິບັດງານ Viettel ສາຂາແຂວງຜົ້ງສາລີ. ພາບ: ແຄ໋ງຈີ |
ໃນຊຸມປີປະຕິບັດງານຢູ່ປະເທດເພື່ອນມິດລາວ ມີຄວາມຊົງຈໍາຍາກທີ່ຈະຫຼົງລືມໄດ້ສໍາລັບ ເກືອງ. ນັ້ນແມ່ນການເດີນທາງໄປສໍາຫຼວດສະຖານີ PHO205 ໃນວັນທີ 12 ພະຈິກ 2016 ຢູ່ບ້ານ Vupaonuea, ແຂວງຜົ້ງສາລີ. ໃນການເດີນທາງນັ້ນ, ອ້າຍ ເກືອງ ແລະເພື່ອນຮ່ວມງານທີ່ເປັນຄົນລາວສອງຄົນໄດ້ປະສົບກັບຄວາມຫຍຸ້ງຍາກຫຼາຍຢ່າງຄື: ເສັ້ນທາງໄປມາແມ່ນປະສົບກັບຄວາມຫຍຸ້ງຍາກ, ລົດໂອໂຕຖືກນໍ້າໄຫຼຊຸໄປ... ແຕ່ດ້ວຍການຊ່ວຍເຫຼືອຢ່າງສຸດໃຈຂອງປະຊາຊົນທ້ອງຖິ່ນ, ສຸດທ້າຍອ້າຍ ເກືອງ ແລະບັນດາເພື່ອນຮ່ວມງານກໍ່ໄດ້ໄປເຖິງສະຖານທີ່ສໍາຫຼວດ.
ອ້າຍ ເກືອງ ເວົ້າສູ່ຟັງວ່າ, ດ້ວຍນໍ້າໃຈຮັກເພງ ເຊິ່ງປະຊາຊົນລາວສະຫງວນໃຫ້ແກ່ອ້າຍ ເກືອງ ກໍ່ຄືເພື່ອນຮ່ວມງານຄົນອື່ນໆໃນການເດີນທາງໄປປະຕິບັດງານໃນປີນັ້ນແມ່ນກໍາລັງໜູນເພື່ອໃຫ້ພວກອ້າຍຍອມຮັບກັບຄວາມລໍາບາກ ແລະສ້າງເປັນກໍາລັງແຮງຂອງຊາວ Viettel ຢູ່ປະເທດເພື່ອນລາວ.
ແປໂດຍ: ທູຈາງ