ການນໍານະຄອນໂຮ່ຈິມິນ ພົບປະກັບເຍົາວະຊົນຕົ້ນລະດູບານໃໝ່ປີກຸນ
ກປ.ອອນໄລ - ວັນທີ 16 ກຸມພາ, ຄະນະພັກນະຄອນ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ ໄດ້ຈັດຕັ້ງລາຍການພົບປະລະຫວ່າງການນໍານະຄອນໂຮ່ຈິມິນ ກັບເຍົາວະຊົນດີເດັ່ນກວ່າ 170 ຄົນ ເນື່ອງໃນໂອກາດຕົ້ນລະດູບານໃໝ່ປີກຸນ 2019, ດ້ວຍຫົວຂໍ້ “ສະມາຊິກເຍົາວະຊົນ, ນັກຮຽນນະຄອນຮ່ວມແຮງຮ່ວມໃຈປົກປັກຮັກສາສິ່ງແວດລ້ອມ”.
ທີ່ລາຍການ, ພວກນ້ອງເຍົາວະຊົນໄດ້ເຕື້ອງເຖິງບັນດາບັນຫາ ຄື: ເວລາຮຽນຍາວເກີນໄປ, ການຖິ້ມຂີ້ເຫຍື້ອຢູ່ຕາມເສັ້ນທາງ ແລະຄອງເໝືອງ, ຍັງມີການເລາະຂາຍຢູ່ຕໍ່ໜ້າໂຮງຮຽນ, ຄວນມີຂໍ້ກໍານົດຈໍາກັດການນໍາໃຊ້ເຄື່ອງໃຊ້ດ້ວຍຢາງ ແລະຖົງຢາງ...
|
|
ການນໍານະຄອນໂຮ່ຈິມິນ ຖ່າຍຮູບພ້ອມກັບບັນດາຜູ້ແທນເຍົາວະຊົນທີ່ລາຍການ. ພາບ: ຮຸ່ງຄວາ. |
ກ່າວຄໍາເຫັນທີ່ລາຍການ, ທ່ານ ຫງວຽນແທ່ງຟອງ, ກໍາມະການສູນກາງພັກ, ປະທານຄະນະກໍາມະການປະຊາຊົນນະຄອນໂຮ່ຈິມິນ ຢືນຢັນວ່າ ບັນດາຄຳເຫັນ ແລະຂໍ້ສະເໜີຂອງພວກນ້ອງເຍົາວະຊົນກ່ຽວກັບສິ່ງແວດລ້ອມຈະຊ່ວຍໃຫ້ບັນດາພະແນກ, ຂະແໜງປະຕິບັດບັນດາແຜນການປົກປັກຮັກສາສິ່ງແວດລ້ອມເປັນຢ່າງດີ, ຮັບປະກັນໃຫ້ແກ່ການດໍາລົງຊີວິດຂອງປະຊາຊົນ. ທ່ານ ຫງວຽນແທ່ງຟອງ ປາດຖະໜາວ່າ, ພວກນ້ອງເຍົາວະຊົນຄຽງຂ້າງຄວາມມານະພະຍາຍາມຮໍ່າຮຽນ, ຝຶກຝົນຫຼໍ່ຫຼອມແລ້ວ, ຄວນເພີ່ມທະວີຊ່ວຍເຮັດວຽກບ້ານການເຮືອນ, ຕັ້ງໜ້າເຂົ້າຮ່ວມ ແລະຂົນຂວາຍຍາດຕິພີ່ນ້ອງຮ່ວມແຮງຮ່ວມໃຈປົກປັກຮັກສາສິ່ງແວດລ້ອມ.
ໂດຍ: ຄໍາແພງ