ຫວຽດນາມ ສືບຕໍ່ແມ່ນໜຶ່ງໃນບັນດາສະຖານທີ່ລົງທຶນແຖວໜ້າຢູ່ອາຊີ
ກປ.ອອນໄລ - ປີ 2019 ຈະແມ່ນປີທີ 2 ຢ່າງລຽນຕິດ ທີ່ຫວຽດນາມ ແມ່ນໜຶ່ງໃນບັນດາສະຖານທີ່ລົງທຶນແຖວໜ້າຢູ່ອາຊີ ໃນສະພາວະທີ່ອາຊີຕາເວັນອອກສ່ຽງໃຕ້ ກໍາລັງກາຍເປັນພາກພື້ນທີ່ມີຄວາມສາມາດສ້າງກໍາໄລຈາກການລົງທຶນໄດ້ຫຼາຍທີ່ສຸດ.
ນີ້ແມ່ນຜົນການສໍາຫຼວດໂດຍທ່ານ Raymond Chao, ປະທານຮັບຜິດຊອບພາກພື້ນອາຊີ-ປາຊີຟິກ ຂອງບໍລິສັດກວດສອບ PWC ປະກາດຫວ່າງແລ້ວນີ້.
|
|
ພາບປະກອບຈາກ:dangcongsan.vn. |
ຕາມຜົນການສໍາຫຼວດຫຼ້າສຸດຂອງເວທີປາໄສການເງິນອາຊີແລ້ວ, ອາຊີຕາເວັນອອກສ່ຽງໃຕ້ ພວມລື່ນກາຍຈີນ ເພື່ອກາຍເປັນພາກພື້ນທີ່ມີຄວາມສາມາດສ້າງກໍາໄລຈາກການລົງທຶນໄດ້ຫຼາຍທີ່ສຸດໃນປີ 2019, ໃນສະພາວະສົງຄາມການຄ້າລະຫວ່າງ ວໍຊິງຕັນ ແລະປັກກິ່ງ ສົ່ງຜົນສະທ້ອນພໍສົມຄວນເຖິງພື້ນຖານເສດຖະກິດໃຫຍ່ທີສອງຂອງໂລກນີ້.
ໂດຍ: ທູຈາງ