ຈັດຕັ້ງລາຍການ “ບຸນເຕັດເພື່ອຄົນທຸກຍາກ ແລະຜູ້ປະສົບເຄາະຮ້າຍຈາກທາດພິດສີສົ້ມ”
ກປ.ອອນໄລ - ວັນທີ 13 ມັງກອນ, ຢູ່ຮ່າໂນ້ຍ, ສູນກາງສະພາກາແດງຫວຽດນາມ ຈັດຕັ້ງລາຍການ “ກໍາລັງແຮງມະນຸດສະທໍາ 2019” ດ້ວຍຫົວຂໍ້ “ບຸນເຕັດເພື່ອຄົນທຸກຍາກ ແລະຜູ້ປະສົບເຄາະຮ້າຍຈາກທາດພິດສີສົ້ມ”. ທ່ານ ຫງວຽນຝູຈ້ອງ, ເລຂາທິການໃຫຍ່, ປະທານປະເທດຫວຽດນາມ ເຂົ້າຮ່ວມ ແລະກ່າວຄໍາເຫັນທີ່ລາຍການດັ່ງກ່າວ.
ກ່າວຄໍາເຫັນທີ່ລາຍການ, ທ່ານນາງ ຫງວຽນທິຊວນທູ, ປະທານສູນກາງສະພາກາແດງຫວຽດນາມ ໃຫ້ຮູ້ວ່າ, ຂະບວນການ “ບຸນເຕັດເພື່ອຄົນທຸກຍາກ ແລະຜູ້ປະສົບເຄາະຮ້າຍຈາກທາດພິດສີສົ້ມ” ໄດ້ລິເລີ່ມນັບແຕ່ປີ 1999. ພາຍຫຼັງ 20 ປີແຫ່ງການປະຕິບັດ, ຂະບວນການໄດ້ມີການແຜ່ຂະຫຍາຍຢ່າງແຮງໃນປະຊາຄົມ, ກາຍເປັນຂະບວນການຂອງທົ່ວປວງຊົນ, ດຶງດູດເງິນບໍລິຈາກເກືອບ 6.700 ຕື້ດົ່ງ, ໜູນຊ່ວຍຄອບຄົວທຸກຍາກ, ຜູ້ປະສົບເຄາະຮ້າຍຈາກທາດພິດສີສົ້ມ, ຄອບຄົວຜູ້ທີ່ມີຄຸນງາມຄວາມດີ, ຄອບຄົົວຖືກຜົນສະທ້ອນຈາກໄພທໍາມະຊາດ, ໄພພິບັດ 22 ລ້ານເທື່ອຄອບຄົວ, ດ້ວຍບັນດາຮູບການໜູນຊ່ວຍທີ່ເປັນຫຼາຍຮູບຫຼາຍແບບ ແລະແທດຈິງ.
    |
 |
|
ທ່ານ ຫງວຽນຝູຈ້ອງ, ເລຂາທິການໃຫຍ່, ປະທານປະເທດຫວຽດນາມ ກ່າວຄໍາເຫັນທີ່ລາຍການ. ພາບ: ສໍານັກຂ່າວສານຫວຽດນາມ. |
ທີ່ລາຍການ, ຄະນະຈັດຕັ້ງໄດ້ຮັບເອົາເງິນສະໜັບສະໜູນຈາກບັນດາອົງການຈັດຕັ້ງ, ສ່ວນບຸກຄົນແມ່ນ 51,2 ຕື້ດົ່ງ; ຂອງຂວັນບຸນເຕັດ 2.049 ພູດ ເພື່ອສະໜັບສະໜູນ “ບຸນເຕັດເພື່ອຄົນທຸກຍາກ ແລະຜູ້ປະສົບເຄາະຮ້າຍຈາກທາດພິດສີສົ້ມ”.
ໂດຍ: ທູຈາງ