ຕາມທ່ານ Uzcategui ແລ້ວ, ຍ້ອນການໜູນຊ່ວຍຂອງບັນດານັກຊ່ຽວຊານຫວຽດນາມ, ເວເນຊູເອລາ ຈຶ່ງພັດທະນາແນວພັນເຂົ້າໄດ້ເກືອບ 40 ປະເພດ ດ້ວຍສະມັດຕະພາບສູງ ເຊິ່ງເໝາະສົມກັບຄຸນລັກສະນະດິນປູກຝັງຂອງປະເທດອາເມລິກາໃຕ້.

ດ້ວຍໂຄງການນີ້, ຊາວກະສິກອນເວເນຊູເອລາ ໄດ້ປະຕິບັດສໍາເລັດການປູກເຂົ້າ 3 ລະດູຕໍ່ປີ, ປະກອບສ່ວນຮັບປະກັນຄວາມໝັ້ນຄົງດ້ານສະບຽງອາຫານ. ໃນຂະນະນັ້ນ, ດ້ວຍການໜູນຊ່ວຍຂອງບັນດານັກເຕັກນິກຫວຽດນາມ, ປະລິມານການຜະລິດກຸ້ງຂອງເວເນຊູເອລາ ໃນປີຜ່ານມາໄດ້ເພີ່ມຂຶ້ນ 60%.

leftcenterrightdel
ທ່ານ Jorge Rondon Uzcategui, ເອກອັກຄະລັດຖະທູດເວເນຊູເອລາ ປະຈໍາ ຫວຽດນາມ ທີ່ການປະຊຸມຂ່າວ. ພາບ: ສໍານັກຂ່າວສານຫວຽດນາມ.

ທ່ານ Uzcategui ເນັ້ນໜັກວ່າໃນອາຍຸການ 2019-2025, ລັດຖະບານຂອງທ່ານປະທານາທິບໍດີ Maduro ຈະຕັ້ງໜ້າຊຸກຍູ້ບັນດານະໂຍບາຍດຶງດູດການລົງທຶນຈາກຕ່າງປະເທດ, ພ້ອມທັງສະແດງຄວາມປາດຖະໜາຢາກສືບຕໍ່ເປີດກວ້າງບັນດາໂຄງການຮ່ວມມືກັບບັນດານັກລົງທຶນຫວຽດນາມ. ທ່ານກໍ່ໃຫ້ຮູ້ວ່າ, ຂະແໜງຕໍ່າແຜ່ນຕັດຫຍິບແມ່ນໜຶ່ງໃນຂົງເຂດ ເຊິ່ງສອງປະເທດສາມາດຮ່ວມມືໃນອະນາຄົດ.

ໂດຍ: ທູຈາງ