ການປະຕິບັດລາຍການກວດ, ປິ່ນປົວພະຍາດ, ແຈກຢາຍຢຸກຢາໂດຍບໍ່ເສຍຄ່າ, ໃຫ້ຄໍາປຶກສາ, ມອບຂອງຂວັນໃຫ້ປະຊາຊົນເມືອງຊຽງຄໍ້ ໃນຄັ້ງນີ້ໄດ້ຈັດຕັ້ງເປັນ 4 ໜ່ວຍກວດ, ປິ່ນປົວພະຍາດຢູ່ 4 ແຫ່ງໃນເມືອງຊຽງຄໍ້. ໝາກຜົນທີ່ບັນລຸໄດ້ແມ່ນ, ບັນດາແພດໝໍກອງທັບໄດ້ກວດ, ປິ່ນປົວພະຍາດ, ແຈກຢາຍຢຸກຢາ, ໃຫ້ຄໍາປຶກສາດ້ານສຸຂະພາບໃຫ້ປະຊາຊົນໄດ້ 4.500 ຄົນ, ລື່ນກາຍ 300% ຕົວເລກທີ່ຄາດຄະເນໃນເບື້ອງຕົ້ນ.

leftcenterrightdel
ບັນດາຜູ້ແທນເຂົ້າຮ່ວມກອງປະຊຸມ. ພາບ: ຕ໊ຽນດາດ.

ຕາງໜ້າການນໍາ, ຜູ້ບັນຊາການກົມໃຫຍ່ພະລາທິການ, ທ່ານພົນຈັດຕະວາ ຫວູບ໊າຈູງ ຢືນຢັນວ່າ, ໃນໄລຍະຈະມາເຖິງ, ກົມໃຫຍ່ພະລາທິການກອງທັບສອງປະເທດຈະປະຕິບັດວຽກງານເປັນເສນາທິການໃຫ້ການນໍາກະຊວງປ້ອງກັນປະເທດເປັນຢ່າງດີກວ່າອີກ, ຜັນຂະຫຍາຍບັນດາການເຄື່ອນໄຫວຢ່າງແທດຈິງ, ມີປະສິດທິຜົນເພື່ອການພັດທະນາຂອງກອງທັບ, ສອງປະເທດ, ເພື່ອຄວາມຜາສຸກຂອງປະຊາຊົນຫວຽດນາມ-ລາວ.

leftcenterrightdel
ການນໍາເມືອງຊຽງຄໍ້ ຍ້ອງຍໍບັນດາໝູ່ຄະນະ, ບຸກຄົນທີ່ປະຕິບັດສໍາເລັດລາຍການກວດ, ປິ່ນປົວພະຍາດເປັນຢ່າງດີ. ພາບ: ຕ໊ຽນດາດ.

ກ່າວຄໍາເຫັນທີ່ພິທີ, ທ່ານພົນຕີ ວົງຄໍາ ພົມມະກອນ ຖືວ່າ, ຜ່ານບັນດາການເຄື່ອນໄຫວສາຍຈິດມິດໃຈນີ້, ການຮ່ວມມືລະຫວ່າງຂະແໜງພະລາທິການກອງທັບສອງປະເທດສືບຕໍ່ພັດທະນາບົນພື້ນຖານສາຍພົວພັນສາມັກຄີມິດຕະພາບ,  ບໍລິສຸດຜຸດຜ່ອງຂອງສອງພັກ, ສອງລັດ, ສອງປະເທດຫວຽດນາມ-ລາວ “ຂຽວສົດງົດງາມ, ໝັ້ນຄົງຂະໜົງແກ່ນຊົ່ວກາລະນານ”.

ໂດຍ: ບົວພອນ