ຄາດຄະເນວົງເງິນສົ່ງອອກສິນຄ້າຂອງຫວຽດນາມ ທັງປີ 2018 ອາດຈະບັນລຸລະດັບການເຕີບໂຕ 12%
ກປ.ອອນໄລ - ວັນທີ 13 ພະຈິກ, ກະຊວງອຸດສາຫະກໍາ ແລະການຄ້າຫວຽດນາມ ໃຫ້ຮູ້ວ່າ, ຄິດໄລ່ໝົດເດືອນຕຸລາ, ລະດັບການເຕີບໂຕການສົ່ງອອກສິນຄ້າຂອງຫວຽດນາມ ບັນລຸ 14,2% ເມື່ອທຽບໃສ່ໄລຍະດຽວກັນຂອງປີກາຍ, ສູງກວ່າເມື່ອທຽບໃສ່ຄາດໝາຍການເຕີບໂຕ 8 - 10% ໃນປີ 2018.
ຄາດຄະເນວ່າວົງເງິນສົ່ງອອກສິນຄ້າຂອງຫວຽດນາມ ທັງປີ 2018 ອາດຈະບັນລຸລະດັບເຕີບໂຕ 10 - 12%, ວົງເງິນສົ່ງອອກສິນຄ້າບັນລຸປະມານ 239 - 240 ຕື້ໂດລາສະຫະລັດ. ໃນນັ້ນ, ຜະລິດຕະພັນກະເສດ, ສິນໃນນໍ້າຄາດວ່າບັນລຸ 27,45 ຕື້ໂດລາສະຫະລັດ, ເພີ່ມຂຶ້ນ 5,3%; ໝວດສິນຄ້າເຊື້ອເພີງ, ແຮ່ທາດຄາດວ່າບັນລຸ 4,98 ຕື້ໂດລາສະຫະລັດ, ເພີ່ມຂຶ້ນ 3,8%; ສິນຄ້າອຸດສາຫະກໍາປຸງແຕ່ງຄາດຄະເນວ່າບັນລຸ 197,11 ຕື້ໂດລາສະຫະລັດ, ເພີ່ມຂຶ້ນ 13%. ໃນຂະນະນັ້ນ, ວົງເງິນນໍາເຂົ້າທັງປີ 2018 ອາດຈະບັນລຸ 237 ຕື້ໂດລາສະຫະລັດ, ເພີ່ມຂຶ້ນ 11,3% ເມື່ອທຽບໃສ່ປີ 2017.
ໂດຍ: ທູຈາງ