ຫວຽດນາມ ພວມມານະພະຍາຍາມເພື່ອໃຫ້ EU ຖອນບັດເຫຼືອງສຳລັບສິນໃນນ້ຳ
ທີ່ກອງປະຊຸມຂ່າວໃນຕອນບ່າຍວັນທີ 1 ຕຸລາ, ພາຍຫຼັງກອງປະຊຸມປະຈຳເດືອນກັນຍາຂອງລັດຖະບານ, ທ່ານ ເລກວກແຢງ, ຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດ ໃຫ້ຮູ້ວ່າ: ກະຊວງໄດ້ ແລະພວມຕັ້ງໜ້າສົມທົບກັບບັນດາກະຊວງ, ຂະແໜງການ, ທ້ອງຖິ່ນປະຕິບັດຫຼາຍມາດຕະການເພື່ອໃຫ້ສະຫະພາບເອີລົບ (EU) ຖອນບັດເຫຼືອງສຳລັບສິນໃນນ້ຳຫວຽດນາມ.
ມາຮອດປະຈຸບັນ, ກໍ່ບັນລຸໄດ້ບາງໝາກຜົນໃນເບື້ອງຕົ້ນແລ້ວ. ເດືອນພຶດສະພາປີ 2018, ຄະນະນັກກວດກາຂອງ EU ມາກວດກາ, ສຳຫຼວດຢູ່ບາງທ້ອງຖິ່ນ ແລະຮັບຮູ້ໃນຄວາມມານະພະຍາຍາມຂອງຫວຽດນາມ ແລະມາດຕະການຂ້ຽວຂາດຂອງຫວຽດນາມ ໃນການແກ້ໄຂເພື່ອໃຫ້ EU ຖອນບັດເຫຼືອງໂດຍໄວ.
|
|
ທ່ານ ເລກວກແຢງ ຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດຫວຽດນາມ. ພາບ: nongnghiep.vn. |
ແຕ່ເຖິງຢ່າງໃດກໍ່ຕາມ, ຍັງມີບາງບັນຫາທີ່ ຫວຽດນາມ ສືບຕໍ່ຍູ້ແຮງເພື່ອແກ້ໄຂ. ທ່ານຮອງລັດຖະມົນຕີ ເລກວກແຢງ ໃຫ້ຮູ້ວ່າ: “ສ້າງກອບກົດໝາຍໃຫ້ສົມບູນແບບ; ຄວບຄຸມກ່ຳປັ່ນດ້ວຍການຕິດຕັ້ງບັນດາອຸປະກອນ; ຮັບປະກັນການປະຕິບັດກົດໝາຍ, ບໍ່ໃຫ້ເກີດສະພາບກ່ຳປັ່ນຫາປາຢູ່ເຂດທະເລບໍ່ຂຶ້ນກັບອະທິປະໄຕ; ຮັບປະກັນການກວດກາຕົ້ນກຳເນີດຂອງສິນໃນນ້ຳໃຫ້ຖືກຕາມກົດໝາຍເມື່ອສົ່ງອອກ. ກະຊວງກະສິກຳ ແລະພັດທະນາຊົນນະບົດ ໄດ້ຈັດກອງປະຊຸມຜ່ານທາງອິນເຕີແນັດ ແລະມີແຈ້ງການກ່ຽວກັບບັນດາມາດຕະການປະຕິບັດຄົບຊຸດ. ຫວ່າງແລ້ວນີ້, ທ່ານນາຍົກລັດຖະມົນຕີ ກໍ່ໄດ້ປະກາດໃຊ້ຈົດໝາຍທາງການຊີ້ນຳບັນດາມາດຕະການຮີບດ່ວນ ແລະໜ້າທີ່ຈຸດສຸມເພື່ອມຸ່ງໄປເຖິງການຍົກເລີກບັດເຫຼືອງ.”
ຕາມແຜນການແລ້ວ, ທ້າຍເດືອນຕຸລາ, ຄະນະສະມາຊິກລັດຖະສະພາ EU ຈະມາຫວຽດນາມ ເພື່ອຕີລາຄາການປະຕິບັດບັນດາຂໍ້ສະເໜີແນະເຊິ່ງ EU ຍົກອອກມາໃນການຈັບຫາສິນໃນນ້ຳ.
ແຫຼ່ງຄັດຈາກ: vovworld.vn