ທ່ານຮອງນາຍົກລັດຖະມົນຕີ ຫວູດຶກດາມ ເຂົ້າຮ່ວມພິທີໄຂງານຕະຫຼາດນັດ ຈີນ-ອາຊີໃຕ້
ກປ.ອອນໄລ - ໂດຍໄດ້ຮັບຄໍາເຊີນຂອງລັດຖະບານ ຈີນ ແລະອໍານາດການປົກຄອງແຂວງ ຢຸນນານ, ວັນທີ 14 ມິຖຸນາ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ ໄດ້ເຂົ້າຮ່ວມພິທີໄຂງານຕະຫຼາດນັດຈີນ-ອາຊີໃຕ້ ຄັ້ງທີ 5 ແລະງານຕະຫຼາດນັດນໍາເຂົ້າ-ສົ່ງອອກຄຸນມີງ ຄັ້ງທີ 25 ໄດ້ຈັດຕັ້ງຢູ່ນະຄອນ ຄຸນມີງ, ແຂວງ ຢຸນນານ, ຈີນ.
    |
 |
|
ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ ຢ້ຽມຊົມຮ້ານຂາຍສິນຄ້າກາເຟ ຈູງງວຽນ. ພາບ: baochinhphu.vn. |
ງານຕະຫຼາດນັດປີນີ້ໄດ້ຈັດຂຶ້ນໃນເນື້ອທີ່ 190.000 ຕາແມັດ, ລວມມີ 8.500 ຮ້ານ, ດ້ວຍການເຂົ້າຮ່ວມຂອງວິສາຫະກິດ 3.800 ກວ່າແຫ່ງທີ່ມາຈາກ 53 ປະເທດ ແລະເຂດແຄວ້ນ. ຄະນະວິສາຫະກິດຫວຽດນາມ ເຂົ້າຮ່ວມ 200 ຮ້ານດ້ວຍວິສາຫະກິດເກືອບ 100 ແຫ່ງ; ບັນດາຮ້ານຂາຍສິນຄ້າ, ລວມມີ: ສິນທະເລ, ໝາກມ່ວງຫິມະພານ, ກາເຟ, ໝາກໄມ້...
|
|
 |
|
ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ ກ່າວຄໍາເຫັນທີ່ພິທີໄຂງານຕະຫຼາດນັດ. ພາບ: baochinhphu.vn. |
ກ່າວຄໍາເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຫວູດຶກດາມ ຕີລາຄາສູງບົດບາດຂອງງານຕະຫຼາດນັດຈີນ-ອາຊີໃຕ້ ແລະງານຕະຫຼາດນັດນໍາເຂົ້າ-ສົ່ງອອກຄຸນມີງ ໃນການຊຸກຍູ້ການຮ່ວມມືດ້ານເສດຖະກິດ-ການຄ້າ, ການລົງທຶນລະຫວ່າງປະຊາຄົມວິສາຫະກິດພາກພື້ນອາຊີຕາເວັນອອກສ່ຽງໃຕ້, ອາຊີໃຕ້ ກັບຈີນ; ຢັ້ງຢືນວ່າ ຫວຽດນາມ ຈະສືບຕໍ່ສ້າງບັນດາເງື່ອນໄຂສະດວກເພື່ອໃຫ້ບັນດາວິສາຫະກິດຢູ່ພາກພື້ນ ແລະໃນໂລກເຂົ້າມາລົງທຶນ, ດໍາເນີນທຸລະກິດຍາວນານຢູ່ຫວຽດນາມ; ປະກອບສ່ວນປັບປຸງ ແລະພັດທະນາການພົວພັນມິດຕະພາບ, ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງບັນດາປະເທດ, ເພື່ອຄວາມວັດທະນາຖາວອນ, ຄວາມຈະເລີນຮຸ່ງເຮືອງຂອງພາກພື້ນ ແລະໂລກ.
ແປໂດຍ: ຫງວຽນກຸກ