ໄຂງານວາງສະແດງສາກົນ VIETBUILD ດານັ້ງ 2018
ກປ.ອອນໄລ - ວັນທີ 21 ເມສາ, ກະຊວງກໍ່ສ້າງຫວຽດນາມ ໄດ້ສົມທົບກັບຄະນະກໍາມະການປະຊາຊົນ ນະຄອນ ດານັ້ງ ຈັດຕັ້ງພິທີໄຂງານວາງສະແດງສາກົນ VIETBUILD ດານັ້ງ 2018 ຢູ່ສູນງານຕະຫຼາດນັດ ແລະວາງສະແດງ ດານັ້ງ.
ງານວາງສະແດງສາກົນ VIETBUILD ດານັ້ງ 2018 ໄດ້ດຶງດູດການເຂົ້າຮ່ວມຂອງຫຼາຍກວ່າ 300 ຫົວໜ່ວຍ, ດ້ວຍເກືອບ 1000 ຮ້ານວາງສະແດງ. ໃນນັ້ນມີ 54 ວິສາຫະກິດ, ກຸ່ມບໍລິສັດຕ່າງປະເທດ ທີ່ມາຈາກບັນດາປະເທດ, ພາກພື້ນ ຄື: ເຢັຍລະມັນ, ອາເມລິກາ, ຍີ່ປຸ່ນ, ມາເລເຊຍ, ໄທ, ໄຕ້ຫວັນ (ຈີນ), ສ.ເກົາຫຼີ, ອິນໂດເນເຊຍ, ສິງກະໂປ...
|
|
ບັນດາຜູ້ແທນຕັດແຖບຜ້າໄຂງານວາງສະແດງສາກົນ VIETBUILD ດານັ້ງ 2018. ພາບ: ກີມເງິນ. |
ກ່າວຄໍາເຫັນທີ່ພິທີໄຂ, ທ່ານ ຫງວຽນວັນຊີງ, ຮອງລັດຖະມົນຕີກະຊວງກໍ່ສ້າງ ເນັ້ນໜັກວ່າ: “ງານວາງສະແດງສາກົນ VIETBUILD 2018 ແມ່ນກາລະໂອກາດເພື່ອໃຫ້ບັນດາວິສາຫະກິດຫວຽດນາມ ເປີດກວ້າງການພົວພັນຮ່ວມມືການຄ້າ, ຮ່ວມສໍາພັນການລົງທຶນ, ການຜະລິດ, ການຖ່າຍທອດເຕັກໂນໂລຢີເຕັກນິກທີ່ກ້າວໜ້າ, ຊຸກຍູ້ການພັດທະນາຂອງບັນດາກິດຈະກໍາກໍ່ສ້າງ ແລະບັນດາໂຄງການອະສັງຫາລິມະຊັບ, ມຸ່ງໄປເຖິງການພັດທະນາແບບຍືນຍົງໃນພາລະກິດຫັນປະເທດເປັນປະເທດອຸດສາຫະກໍາ ແລະທັນສະໄໝ”.
|
|
ບັນດາຜູ້ແທນມາຢ້ຽມຊົມຮ້ານວາງສະແດງຂອງບັນດາຫົວໜ່ວຍ, ວິສາຫະກິດ ເຂົ້າຮ່ວມງານວາງສະແດງ. ພາບ: ກີມເງິນ. |
ດ້ວຍມາດຖານວ່າ “ການເຊື່ອມໂຍງ-ເຕັກໂນໂລຢີ-ຈຸດສູງສຸດ”, ບັນດາວິສາຫະກິດເຂົ້າຮ່ວມ VIETBUILD 2018 ກໍາແໜ້ນໄດ້ຄວາມຕ້ອງການພັດທະນາຢ່າງແຮງຂອງການເຊື່ອມໂຍງ ແລະພັດທະນາທົ່ວໂລກ ຫວຽດນາມ ກ່ຽວກັບການຄຸ້ມຄອງ-ການຜະລິດຜະລິດຕະພັນວັດສະດຸກໍ່ສ້າງ. ຈາກນັ້ນ, ຜະລິດອອກບັນດາຜະລິດຕະພັນໃໝ່ແນໃສ່ຮັບໃຊ້ໃຫ້ແກ່ບັນດາກິດຈະກໍາຕ່າງໆ, ນໍາມາເຊິ່ງການດຳລົງຊີວິດທີ່ສີວິໄລທັນສະໄໝ, ປະກອບສ່ວນໃຫ້ແກ່ການພັດທະນາສັງຄົມໃຫ້ນັບມື້ນັບ ຈະເລີນຮຸ່ງເຮືອງ.
ງານວາງສະແດງຈະດໍາເນີນຮອດວັນທີ 25 ເມສາ ຈຶ່ງອັດລົງ.
ແປໂດຍ: ເຈິ່ນຮວ່ຽນ