ເຂົ້າຮ່ວມພິທີດັ່ງກ່າວມີ: ຫົວໜ້າກົງສູນໃຫຍ່ບັນດາປະເທດ ກໍາປູເຈຍ, ລາວ, ໄທ ຢູ່ນະຄອນ ໂຮ່ຈິມິນ; ພະມະຫາອາຈານ ທິກທ້ຽນເຕີມ, ຮອງປະທານສະພາບໍລິຫານງານ ສະມາຄົມພຸດທະສາສະໜາຫວຽດນາມນະຄອນ ໂຮ່ຈິມິນ ພ້ອມດ້ວຍບັນດາຜູ້ຕາງໜ້າບາງຄະນະ, ຂະແໜງການຂອງນະຄອນ ໂຮ່ຈິມິນ ແລະນັກທຸລະກິດ, ນັກຮຽນ, ນັກສຶກສາເປັນຄົນກໍາປູເຈຍ, ລາວ, ມຽນມາ, ໄທ ພວມທໍາມາຫາກິນ, ດໍາລົງຊີວິດ ແລະຮໍ່າຮຽນຢູ່ນະຄອນ ໂຮ່ຈິມິນ ເປັນຈໍານວນຫຼວງຫຼາຍ.

leftcenterrightdel
ພະມະຫາອາຈານ ທິກທ້ຽນເຕີມ ປະຕິບັດພິທີກໍາທາງສາສະໜາ ພາວະນາຂໍໃຫ້ມີຄວາມສະຫງົບສຸກໃນປີໃໝ່.  ພາບ: ສໍານັກຂ່າວສານຫວຽດນາມ.

ກ່າວຄໍາເຫັນທີ່ງານບຸນ, ທ່ານ ຮີ່ງມິງທ້ຽນ, ປະທານ HUFO ໃຫ້ຮູ້ວ່າ, ງານບຸນປີໃໝ່ປະຈໍາຊາດ ກໍາປູເຈຍ-ລາວ-ມຽນມາ-ໄທ ໂດຍ HUFO ຈັດຕັ້ງແມ່ນເພື່ອແນໃສ່ຊຸກຍູ້ຄວາມເຂົ້າໃຈເຊິ່ງກັນ ແລະກັນກວ່າອີກລະຫວ່າງຫວຽດນາມກັບບັນດາປະເທດບ້ານໃກ້ເຮືອນຄຽງ, ເພີ່ມທະວີການພົບປະແລກປ່ຽນດ້ານວັດທະນະທໍາ, ການຮ່ວມມືຫຼາຍດ້ານລະຫວ່າງຫວຽດນາມ ເວົ້າລວມ ແລະນະຄອນ ໂຮ່ຈິມິນ ເວົ້າສະເພາະກັບບັນດາປະເທດເພື່ອນມິດທີ່ສະໜິດສະໜົມ.

leftcenterrightdel
ທ່ານ ສົມໄຊ ສະໜາມອຸ່ນ ຫົວໜ້າກົງສູນໃຫຍ່ລາວ ປະຈໍາ ນະຄອນໂຮ່ຈິມິນ ປະຕິບັດພິທີກໍາສົງນ້ຳພະຂໍໃຫ້ມີຄວາມສະຫງົບສຸກໃນປີໃໝ່. ພາບ: ສໍານັກຂ່າວສານຫວຽດນາມ

ທ່ານນາງ Ureerat Ratanaprukse, ຫົວໜ້າກົງສູນໃຫຍ່ໄທ ປະຈໍາ ນະຄອນ ໂຮ່ຈິມິນ ສະແດງຄວາມເປັນກຽດ, ຄວາມປິຕິຊົມຊື່ນໄດ້ເຂົ້າຮ່ວມງານບຸນປີໃໝ່ປະຈໍາຊາດກໍາປູເຈຍ-ລາວ-ມຽນມາ-ໄທ ທີ່ໄດ້ຈັດຕັ້ງຢູ່ນະຄອນ ໂຮ່ຈິມິນ ແລະແບ່ງປັນຄວາມໝາຍສໍາຄັນຂອງວັນບຸນປີໃໝ່ສໍາລັບປະຊາຊົນໄທ ກໍ່ຄື ປະຊາຊົນກໍາປູເຈຍ-ລາວ-ມຽນມາ.

ຕີລາຄາສູງຄວາມໝາຍຂອງການຈັດຕັ້ງງານບຸນ, ທ່ານນາງ Ureerat Ratanaprukse ເນັ້ນໜັກວ່າ, ເລື່ອງຈັດຕັ້ງງານບຸນປີໃໝ່ນີ້ຊ່ວຍໃຫ້ປະຊາຊົນບັນດາປະເທດກໍາປູເຈຍ-ລາວ-ມຽນມາ-ໄທ-ຫວຽດນາມ ໄດ້ສະແດງອາລົມຈິດ, ຄວາມສາມັກຄີ ແລະຄວາມເປັນເອກະພາບນຳກັນ.

ງານບຸນໄດ້ດໍາເນີນໃນທ່າມກາງບັນຍາກາດທີ່ມີຄວາມຄຶກຄື້ນມ່ວນຊື່ນ, ອົບອຸ່ນ ແລະເຕັມໄປດ້ວຍນໍ້າໃຈສາມັກຄີດ້ວຍພິທີກໍາສົງນ້ຳພະ, ພາວະນາຂໍໃຫ້ມີຄວາມສະຫງົບສຸກໃນປີໃໝ່  ແລະສະແດງບັນດາບົດເພງ, ວາດຟ້ອນຂອງ ຫວຽດນາມ, ລາວ, ໄທ.

 

ແປໂດຍ: ທູຈາງ