ວັນທີ 10 ເມສາ, ຢູ່ຮ່າໂນ້ຍ, ຄະນະບໍລິຫານງານອົງຄະນະພັກນະຄອນ ຮ່າໂນ້ຍ ຊຸດທີ XVI  ໄດ້ຈັດຕັ້ງກອງປະຊຸມຄັ້ງທີ 13, ປຶກສາຫາລືສະພາບການເສດຖະກິດ-ສັງຄົມ ນະຄອນຫຼວງໃນ 3 ເດືອນຕົ້ນປີ, ໜ້າທີ່ຈຸດສຸມໃນ 9 ເດືອນທ້າຍປີ 2018; ໝາກຜົນການປະຕິບັດວຽກງານກໍ່ສ້າງພັກ; ປຶກສາຫາລືຮ່າງກົດລະບຽບການເຮັດວຽກສະບັບປັບປຸງ, ເພີ່ມເຕີມຂອງຄະນະບໍລິຫານງານ, ຄະນະປະຈຳ ພັກນະຄອນ ຊຸດທີ XVI, ອາຍຸການ 2015-2020. ທ່ານ ຮວ່າງຈຸງຫາຍ, ກໍາມະການກົມການເມືອງ, ເລຂາພັກນະຄອນ ຮ່າໂນ້ຍ ເປັນປະທານກອງປະຊຸມ.

leftcenterrightdel
ທ່ານ ຮວ່າງຈຸງຫາຍ, ເລຂາພັກນະຄອນ ຮ່າໂນ້ຍ ກ່າວຄໍາເຫັນທີ່ກອງປະຊຸມ. ພາບ: ຫງວຽນຫວູ໊.

ກ່າວຄໍາເຫັນສະຫຼຸບທີ່ກອງປະຊຸມ, ທ່ານ ຮວ່າງຈຸງຫາຍ ຕີລາຄາວ່າ ໄຕມາດທີ I 2018 ແມ່ນເລີ່ມຕົ້ນໃຫ້ປີບານພັບແຫ່ງການປະຕິບັດມະຕິກອງປະຊຸມໃຫຍ່ອົງຄະນະພັກນະຄອນ ຄັ້ງທີ XVI, ທັງແມ່ນປີ “ຍົກສູງປະສິດທິຜົນ ແລະປະສິດທິພາບຂອງລະບົບການເມືອງ”. ນັບແຕ່ຕົ້ນປີ, ຄະນະພັກນະຄອນ ໄດ້ຊີ້ນໍາທຸກຂັ້ນ, ທຸກຂະແໜງການ, ພະນັກງານ, ສະມາຊິກພັກ, ລັດຖະກອນ, ຜູ້ອອກແຮງງານ ແລະປະຊາຊົນລົງມືປະຕິບັດໜ້າທີ່ໃນທັນທີ ແລະບັນລຸໄດ້ໝາກຜົນຕັ້ງໜ້າຫຼາຍຢ່າງ, ສ້າງທ່າສໍາຄັນໃຫ້ແກ່ການປະຕິບັດໜ້າທີ່ຂອງປີ.

ສຳລັບໜ້າທີ່ຈຸດສຸມໃນ 9 ເດືອນທ້າຍປີ, ທ່ານ ຮວ່າງຈຸງຫາຍ, ເລຂາພັກນະຄອນ ຮ່າໂນ້ຍ ໄດ້ສະເໜີທຸກຂັ້ນ, ທຸກຂະແໜງການຕ້ອງມີໄຫວພິບ, ມີຫົວຄິດປະດິດສ້າງ, ເສີມຂະຫຍາຍນໍ້າໃຈສາມັກຄີ, ຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ສຸມໃສ່ຊີ້ນໍາການປະຕິບັດບັນດາໜ້າທີ່, ແຜນການວາງອອກຢ່າງມີໄຊ. ພ້ອມທັງ, ສຸມໃສ່ຍູ້ແຮງການປະຕິຮູບດ້ານການບໍລິຫານຕາມລວງເລິກ ແລະຮອບດ້ານກວ່າອີກ. ສືບຕໍ່ແກ້ໄຂຄວາມຫຍຸ້ງຍາກໃຫ້ວິສາຫະກິດ, ປັບປຸງສະພາບແວດລ້ອມແຫ່ງການລົງທຶນ, ຊຸກຍູ້ບັນດາໂຄງການລົງທຶນກໍ່ສ້າງພື້ນຖານ. ພ້ອມກັນນັ້ນ, ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດກ່ຽວກັບບັນດາບັນຫາ: ຈໍາໜ່າຍຜະລິດຕະພັນໃນກະສິກໍາ; ການປະຕິຮູບດ້ານການບໍລິຫານ; ການສະກັດກັ້ນ ແລະຕ້ານອັກຄີໄພ...

 

ແປໂດຍ: ເຈິ່ນຮວ່ຽນ