29 ປະເທດ ແລະເຂດແຄ້ວນເຂົ້າຮ່ວມງານຕະຫຼາດນັດ, ງານວາງສະແດງສາກົນກ່ຽວກັບອຸດສາຫະກຳສຳຮອງ
ກປ.ອອນໄລ - ໃນຕອນເຊົ້າວັນທີ 20 ມີນາ, ທີ່ສູນງານຕະຫຼາດນັດ ແລະງານວາງສະແດງ ໄຊງ່ອນ (SECC) ໄດ້ດຳເນີນພິທີໄຂ 2 ງານຕະຫຼາດນັດ, ງານວາງສະແດງສາກົນຂອບຂະໜາດໃຫຍ່ກ່ຽວກັບອຸດສາຫະກຳສຳຮອງໃນຂົງເຂດປຸງແຕ່ງ ແລະຫຸ້ມຫໍ່ສະບຽງອາຫານ, ເຄື່ອງດື່ມ ແລະຢຸກຢາ, ເຄື່ອງຈັກຢາງ ( Plastic ) ແລະຢາງພາລາ.
2 ງານວາງສະແດງລວມມີ: ງານວາງສະແດງສາກົນກ່ຽວກັບຂະແໜງປຸງແຕ່ງ ແລະຫຸ້ມຫໍ່ສະບຽງອາຫານ, ເຄື່ອງດື່ມ ແລະຢຸກຢາຄັ້ງທີ 13 - “Propak Vietnam 2018”, ແລະງານວາງສະແດງສາກົນກ່ຽວກັບເຕັກໂນໂລຢີ, ວັດຖຸດິບສຳຮອງ ແລະອຸປະກອນເຄື່ອງຈັກ Plastics ແລະຢາງພາລາ - “Plastics & Rubber Vietnam 2018”, ໂດຍມີການເຂົ້າຮ່ວມຂອງກວ່າ 420 ວິສາຫະກິດມາຈາກ 29 ປະເທດ ແລະເຂດແຄ້ວນ, ໃນນັ້ນລວມມີກຸ່ມຮ້ານວາງສະແດງສາກົນ 11 ກຸ່ມໄດ້ວາງສະແດງຜະລິດຕະພັນເຕັກໂນໂລຢີ, ເຄື່ອງຈັກອຸປະກອນທັນສະໄໝທີ່ສຸດຢູ່ໃນໂລກໃນເນື້ອທີ່ທັງໝົດກວ່າ 13.000 m2.
|
|
ບັນດາເຄື່ອງໝາຍການຄ້າມາຈາກຫຼາຍປະເທດກ້າວໜ້າຢູ່ໃນໂລກສະແດງຜະລິດຕະພັນເຕັກໂນໂລຢີທີ່ງານວາງສະແດງ. ພາບ: ເລກູ໋ກ. |
ຄຽງຂ້າງນັ້ນ, ຍັງດຳເນີນລະບົບກອງປະຊຸມ, ກອງປະຊຸມສຳມະນາຫົວເລື່ອງສະເພາະກ່ຽວກັບການພັດທະນາອຸດສາຫະກຳສຳຮອງ, ປຸງແຕ່ງສະບຽງອາຫານ, ຄວາມສາມາດບົ່ມຊ້ອນພັດທະນາຂອງຕະຫຼາດເຄື່ອງອຸປະໂພກບໍລິໂພກ ແລະຢຸກຢາຂອງ ຫວຽດນາມ ແລະບັນດາບັນຫາວາງອອກໃນການປ່ຽນແປ່ງໃໝ່ເຕັກໂນໂລຢີປຸງແຕ່ງ ແລະຫຸ້ມຫໍ່…
ຕາມຄະນະຈັດຕັ້ງແລ້ວ, ມີວິສາຫະກິດ ຫວຽດນາມ ຫຼາຍແຫ່ງທີ່ເຂົ້າຮ່ວມງານຕະຫຼາດນັດໄດ້ຢ້ຽມຊົມ, ຊອກຮູ້ກາລະໂອກາດຮ່ວມມືໂດຍກົງ ແລະລົງນາມໃນບັນດາລາຍການຖ່າຍທອດເຕັກໂນໂລຢີ ເພື່ອແນໃສ່ພັດທະນາຜະລິດຕະພັນທີ່ມີຄຸນນະພາບສູງ.
ງານວາງສະແດງຈະສິ້ນສຸດໃນວັນທີ 22 ມີນາ 2018.
ແປໂດຍ: ທູຮັ່ງ