ສະເໜີ ອາເມລິກາ ເຄົາລົບຂໍ້ກຳນົດຂອງ WTO ໃນການນຳໃຊ້ພາສີສຳລັບປາຈາ, ປາບາຊາຂອງ ຫວຽດນາມ
ກປ.ອອນໄລ - ໃນວັນທີ 19 ມີນາ, ກົມປ້ອງກັນດ້ານການຄ້າ, ກະຊວງອຸດສາຫະກຳ ແລະການຄ້າຫວຽດນາມ ໃຫ້ຮູ້ວ່າ, ກະຊວງການຄ້າ ອາເມລິກາ ຫາກໍ່ປະກາດໃຊ້ຂໍ້ສະຫຼຸບສຸດທ້າຍໃນການກວດກາບໍລິຫານກ່ຽວກັບມາດຕະການຕ້ານການຂາຍບຸບລາຄາປາຈາ, ປາບາຊາ ຂອງ ຫວຽດນາມ ຄັ້ງທີ 13 (ໄລຍະກວດກາລະຫວ່າງວັນທີ 1 ສິງຫາ 2015 ຫາວັນທີ 31 ກໍລະກົດ 2016).
|
|
ກະຊວງອຸດສາຫະກຳ ແລະການຄ້າ ຫວຽດນາມ ຖືວ່າອັດຕາພາສີ ເຊິ່ງ ອາເມລິກາ ວາງອອກແມ່ນບໍ່ພາວະວິໄສ. ພາບ: nhandan.com.vn. |
ໂດຍລະອຽດ, ອີງໃສ່ຂໍ້ສະຫຼຸບນີ້, ບັນດາວິສາຫະກິດສົ່ງອອກປາຈາ, ປາບາຊາ ຂອງຫວຽດນາມ ຈະຖືກນຳໃຊ້ອັດຕາພາສີຕ້ານການຂາຍບຸບລາຄານັບແຕ່ 2,39 USD/kg ເຖິງ 7,74 USD/kg ໃຫ້ໄລຍະກວດກາດັ່ງກ່າວ. ນີ້ແມ່ນບັນດາອັດຕາພາສີສູງທີ່ສຸດ ແລະຈະມີຜົນກະທົບໃຫຍ່ເຖິງການສົ່ງອອກປາຈາ, ປາບາຊາ ຂອງ ຫວຽດນາມ ໄປຍັງອາເມລິກາ.
|
|
ບັນດາອັດຕາພາສີສູງທີ່ສຸດ ແລະຈະມີຜົນກະທົບໃຫຍ່ເຖິງການສົ່ງອອກປາຈາ, ປາບາຊາ ຂອງ ຫວຽດນາມໄປຍັງ ອາເມລິກາ. ພາບ: dantri.com.vn |
ກະຊວງອຸດສາຫະກຳ ແລະການຄ້າຫວຽດນາມ ໄດ້ ແລະພວມສົມທົບກັບສະຫະສະມາຄົມປຸງແຕ່ງ ແລະສົ່ງອອກສິນໃນນ້ຳ ຫວຽດນາມ (VASEP), ບັນດາວິສາຫະກິດສົ່ງອອກຂອງຫວຽດນາມ ຢ່າງແໜ້ນແຟ້ນເພື່ອແລກປ່ຽນຂໍ້ມູນຂ່າວສານ ແລະຍົກຄຳເຫັນກັບບັນດາອົງການທີ່ກ່ຽວຂ້ອງຂອງ ອາເມລິກາ. ກະຊວງອຸດສາຫະກຳ ແລະການຄ້າຫວຽດນາມ ຖືວ່າອັດຕາພາສີ ເຊິ່ງ ອາເມລິກາ ວາງອອກແມ່ນບໍ່ພາວະວິໄສ, ມີລັກສະນະອາລັກຂາເກີນລະດັບ. ກະຊວງອຸດສາຫະກຳ ແລະການຄ້າຫວຽດນາມ ໄດ້ສະເໜີຝ່າຍ ອາເມລິກາ ພິຈາລະນາ, ດັດປັບຄືນວິທີກຳນົດອັດຕາພາສີສຳລັບບັນດາບໍລິສັດທີ່ກ່ຽວຂ້ອງຂອງຫວຽດນາມ ບົນຫຼັກການພາວະວິໄສ, ເຄົາລົບຂໍ້ກຳນົດຂອງ WTO, ສະເໝີພາບໃຫ້ບັນດາຝ່າຍທີ່ກ່ຽວຂ້ອງ.
ແປໂດຍ: ທູຮັ່ງ