ຫວຽດນາມ ເຂົ້າຮ່ວມການປັບປຸງຮ່ວມມືໃນປະຊາຄົມໃຊ້ພາສາຝະຣັ່ງ ຢ່າງຕັ້ງໜ້າ
ກປ.ອອນໄລ - ຕອນແລງວັນທີ 16 ມີນາ, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ສົມທົບກັບອົງການຈັດຕັ້ງໃຊ້ພາສາຝະຣັ່ງ (OIF) ຈັດຕັ້ງພິທີສະເຫຼີມສະຫຼອງວັນສາກົນໃຊ້ພາສາ ຝະຣັ່ງ (20-3).
|
|
ບັນຍາກາດທີ່ພິທີສະເຫຼີມສະຫຼອງ. ພາບ: ຮວ່າທູ. |
ກ່າວຄໍາເຫັນທີ່ພິທີ, ທ່ານຮອງລັດຖະມົນຕີກະຊວງການຕ່າງປະເທດ ຮ່າກິມງອັກ ໃຫ້ຮູ້ວ່າ, ໃນໄລຍະຜ່ານມາ, ຫວຽດນາມ ໄດ້ມີຄວາມມານະພະຍາຍາມຫຼາຍຢ່າງ ແລະປະກອບສ່ວນເຂົ້າໃນການພັດທະນາລວມຂອງປະຊາຄົມໃຊ້ພາສາຝະຣັ່ງ ຢ່າງແທດຈິງ, ກໍ່ຄືເພີ່ມທະວີຮູບພາບຂອງພາສາຝະຣັ່ງຢູ່ພາກພື້ນ. ການພົວພັນລະຫວ່າງຫວຽດນາມ ແລະປະຊາຄົມໃຊ້ພາສາຝະຣັ່ງ ນັບມື້ນັບໄດ້ຮັບການຮັດແໜ້ນ. ທ່ານຮອງລັດຖະມົນຕີກະຊວງການຕ່າງປະເທດ ຮ່າກິມງອັກ ເນັ້ນໜັກວ່າສໍາລັບບົດບາດ ແລະທີ່ຕັ້ງ, ຫວຽດນາມ ໄດ້, ພວມ ແລະຈະສືບຕໍ່ເປັນເຈົ້າການ, ຕັ້ງໜ້າເຂົ້າຮ່ວມ, ປະກອບສ່ວນເຂົ້າໃນການປັບປຸງນໍ້າໃຈສາມັກຄີ ແລະການຮ່ວມມືໃນປະຊາຄົມໃຊ້ພາສາຝະຣັ່ງ ເພື່ອສັນຕິພາບ, ສະຖຽນລະພາບ, ການພັດທະນາແບບຍືນຍົງໃນໂລກ, ກຽມພ້ອມເປັນຂົວເຊື່ອມຕໍ່ໃຫ້ແກ່ການພັດທະນາຢ່າງແຮງຂອງພາສາຝະຣັ່ງຢູ່ພາກພື້ນ ອາຊີ-ປາຊີຟິກ.
ແປໂດຍ: ຫງວຽນກຸກ