ທ່ານນາງ ຫງວຽນທິກິມເງິນ ສະແດງຄວາມປິຕິຊົມຊື່ນຕໍ່ການພົວພັນຮ່ວມມືອັນດີງາມລະຫວ່າງຫວຽດນາມ ແລະ WB, IMF ທີ່ນັບມື້ນັບພັດທະນາເຊິ່ງສະແດງອອກຜ່ານບັນດາໂຄງການ WB ໜູນຊ່ວຍການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ພັດທະນາເສດຖະກິດ.

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ກ່າວຄໍາເຫັນກັບບັນດາຜູ້ແທນເຂົ້າຮ່ວມການຕ້ອນຮັບ. ພາບ: ຈ໋ຽນຖັ໋ງ.

ທ່ານນາງ ຫງວຽນທິກິມເງິນ ຢ້ັງຢືນວ່າເຊິ່ງແມ່ນອົງການເປັນຕົວແທນໃຫ້ປະຊາຊົນຫວຽດນາມ, ສະພາແຫ່ງຊາດຫວຽດນາມ ຈະສືບຕໍ່ເສີມຂະຫຍາຍບົດບາດດ້ານນິຕິບັນຍັດ ແລະຕິດຕາມກວດກາການຜັນຂະຫຍາຍ ແລະຄຸ້ມຄອງນໍາໃຊ້ບັນດາແຫຼ່ງທຶນໜູນຊ່ວຍຂອງ WB; ຮັບປະກັນການນໍາໃຊ້ແຫຼ່ງທຶນຢ່າງມີປະສິດທິຜົນ, ບູລິມະສິດບັນດາຂົງເຂດສໍາຄັນ, ນໍາມາເຊິ່ງມູນຄ່າເພີ່ມໃຫ້ແກ່ການພັດທະນາເສດຖະກິດ-ສັງຄົມ.

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ພ້ອມດ້ວຍບັນດາຜູ້ແທນທີ່ການຕ້ອນຮັບ. ພາບ: ຈ໋ຽນຖັ໋ງ.

ທ່ານນາງປະທານສະພາແຫ່ງຊາດ ຕີລາຄາສູງການຮ່ວມມື, ການໜູນຊ່ວຍຂອງ WB ກັບບັນດາອົງການຂອງສະພາແຫ່ງຊາດຫວຽດນາມ ໃນໄລຍະຜ່ານມາ, ປະກອບສ່ວນຍົກສູງກໍາລັງຄວາມສາມາດຕິດຕາມກວດກາຂອງສະພາແຫ່ງຊາດຫວຽດນາມ ໃນບັນດາຂົງເຂດ ຄື: ການເງິນ, ງົບປະມານ, ເສດຖະກິດກໍ່ຄືການສະໜອງຂໍ້ມູນຂ່າວສານ ແລະບົດຮຽນຂອງບັນດາປະເທດເຖິງບັນດາສະມາຊິກສະພາແຫ່ງຊາດຫວຽດນາມ; ປາດຖະໜາວ່າສອງຝ່າຍສືບຕໍ່ມີການຮ່ວມມືຢ່າງແໜ້ນແຟ້ນ, ມີປະສິດທິຜົນ.

ຕີລາຄາສູງບົດບາດຂອງຄະນະຜູ້ແທນເຄືອຂ່າຍລັດຖະສະພາບັນດາປະເທດສະມາຊິກຂອງ WB ແລະ IMF ຄືເປັນຂົວເຊື່ອມຕໍ່ເພື່ອເພີ່ມທະວີບັນດາຊ່ອງຮ່ວມມືທີ່ເປັນຫຼາຍຮູບຫຼາຍແບບລະຫວ່າງສະພາແຫ່ງຊາດ/ລັດຖະສະພາບັນດາປະເທດ, ທ່ານນາງປະທານສະພາແຫ່ງຊາດ ເນັ້ນໜັກວ່າ, ສະພາແຫ່ງຊາດຫວຽດນາມ ເປັນກຽດທີ່ສຸດ ແລະພ້ອມທີ່ຈະເຂົ້າຮ່ວມເຄືອຂ່າຍລັດຖະສະພາຂອງ WB ແລະ IMF ແລະປາດຖະໜາຢາກມີບັນດາການປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂອງເຄືອຂ່າຍ.

 

ແປໂດຍ: ທູຈາງ