ທີ່ການພົບປະ, ມອບຂອງຂວັນໃຫ້ພໍ່ແມ່ປະຊາຊົນບ້ານ ຄຣາມ, ຕາແສງ ແອອາຕຽວ, ເມືອງ ກືກູອີນ, ທ່ານນາຍົກລັດຖະມົນຕີ  ຫງວຽນຊວນຟຸກ ມີຄວາມປິຕິຊົມຊື່ນເມື່ອໄດ້ຮັບຟັງທ່ານ ເລເຟືອກຕວ່ານ ປະທານຄະນະກໍາມະການປະຊາຊົນຕາແສງລາຍງານບັນດາຜົນງານບຸກທະລຸໃນການພັດທະນາເສດຖະກິດ-ສັງຄົມ, ຮັບປະກັນດ້ານປ້ອງກັນຊາດ-ປ້ອງກັນຄວາມສະຫງົບ...

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມ, ມອບຂອງຂວັນໃຫ້ແມ່ຫວຽດນາມ ວິລະຊົນ ຫງວຽນທິເທືອງ. ພາບ: ບີ່ງດິ້ງ
leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມ, ມອບຂອງຂວັນໃຫ້ແມ່ຫວຽດນາມ ວິລະຊົນ ຫງວຽນທິເດີມ. ພາບ: ບີ່ງດິ້ງ

ກ່າວຄໍາເຫັນອວຍພອນປີໃໝ່ພໍ່ແມ່ປະຊາຊົນ, ທ່ານນາຍົກລັດຖະມົນຕີ ຊົມເຊີຍເປັນພິເສດໃນປີ 2017, ຕາແສງ ແອອາຕຽວ ບັນລຸໄດ້ລາຍຮັບສະເລ່ຍຕໍ່ຫົວຄົນແມ່ນ 32 ລ້ານດົ່ງ, ຫຼຸດຜ່ອນອັດຕາສ່ວນຄອບຄົວທຸກຍາກລົງເຫຼືອພຽງ 6%. ທ່ານນາຍົກລັດຖະມົນຕີ ກໍ່ໃສ່ໃຈວ່າການນໍາແຂວງ ດັກລັກ ຕ້ອງລົງເລິກຕິດແທດກັບຮາກຖານ, ເອົາໃຈໃສ່, ເບິ່ງແຍງດູແລຢ່າງຮອບຄອບຖີ່ຖ້ວນ ເພື່ອທຸກໆຄອບຄົວທຸກຍາກຢູ່ຕາແສງ ແອອາຕຽວ ເວົ້າສະເພາະ, ໃນທົ່ວແຂວງ ດັກລັກ ເວົ້າລວມລ້ວນແຕ່ໄດ້ຕ້ອນຮັບບຸນເຕັດຢ່າງອົບອຸ່ນ ແລະມີຄວາມຜາສຸກ...

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບຂອງຂວັນໃຫ້ພໍ່ແມ່ປະຊາຊົນທຸກຍາກບ້ານ ຄຣາມ, ຕາແສງ ແອອາຕຽວ, ເມືອງ ກືກູອີນ. ພາບ: ບີ່ງດິ້ງ
leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບຂອງຂວັນໃຫ້ກໍາມະກອນ, ຜູ້ອອກແຮງງານທີ່ປະສົບກັບຄວາມຫຍຸ້ງຍາກແຂວງ ດັກລັກ. ພາບ: ບີ່ງດິ້ງ

ທ່ານນາຍົກລັດຖະມົນຕີ ກໍ່ມອບຂອງຂວັນບຸນເຕັດໃຫ້ຄອບຄົວທຸກຍາກຢູ່ບ້ານ ຄຣາມ, ຕາແສງ ແອອາຕຽວ 100 ຄອບຄົວ. ໄປຢ້ຽມຢາມ, ອວຍພອນບຸນເຕັດຜູ້ຕາງໜ້າຜູ້ອອກແຮງງານແຂວງ ດັກລັັກ 150.000 ຄົນ, ທ່ານນາຍົກລັດຖະມົນຕີ ຮັບຮູ້ ແລະຕີລາຄາສູງບັນດາຂະບວນການທີ່ເບີກບານມ່ວນຊື່ນ, ລາຍການທີ່ມີປະສິດທິຜົນຂອງສະຫະພັນແຮງງານຫວຽດນາມ ໃນການຜັນຂະຫຍາຍແຜນນະໂຍບາຍຂອງພັກ, ລັດຖະບານກ່ຽວກັບການເບິ່ງແຍງດູແລບຸນເຕັດໃຫ້ກໍາມະກອນ, ຜູ້ອອກແຮງງານ.

 

ແປໂດຍ: ຫງວຽນກຸກ