ກ່າວຄໍາເຫັນທີ່ການເຈລະຈາ, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ຫວຽດນາມ ກຳລັງຢືນຢູ່ຕໍ່ໜ້າບັນດາສິ່ງທ້າທາຍເຮັດແນວໃດເພື່ອພັດທະນາໄວ  ແລະຍືນຍົງ, ຫຼຸດພົ້ນອອກຈາກ “ລາຍຮັບສະເລ່ຍປານກາງ”. ໜ້າທີ່ໃນປີ 2018, ຕາມທ່ານ ຫງວຽນຊວນຟຸກ ແລ້ວ, ກອ່ນອື່ນໝົດ, ລະດັບການເຕີບໂຕ GDP ຕ້ອງສູ້ຊົນໃຫ້ລື່ນກາຍລະດັບຄາດໝາຍ 6,7%, ພ້ອມກັນນັ້ນແມ່ນຄຸນນະພາບການເຕີບໂຕເພີ່ມຂຶ້ນ, ສະມັດຕະພາບແຮງງານສັງຄົມສູງກວ່າ, ດັດຊະນີສິ່ງແວດລ້ອມໄດ້ຮັບການປັບປຸງຢ່າງຈະແຈ້ງກວ່າອີກ, ມີການຫັນປ່ຽນກ່ຽວກັບກໍາລັງຄວາມສາມາດແກ່ງແຍ້ງຂອງພື້ນຖານເສດຖະກິດຢ່າງແຮງ. ຄຽງຂ້າງນັ້ນ, ປະຊາຊົນຫວຽດນາມ ທຸກຄົນ, ເປັນຕົ້ນແມ່ນຄົນທຸກຍາກມີການດໍາລົງຊີວິດທີ່ດີກວ່າ ກ່ຽວກັບວັດຖຸ ແລະຈິດໃຈ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມການເຈລະຈານະໂຍບາຍຂັ້ນສູງ ເວທີປາໄສເສດຖະກິດ ຫວຽດນາມ. ພາບ: ແມ້ງຮືງ

ພາຍຫຼັງ 30 ປີ ແຫ່ງການປ່ຽນແປງໃໝ່, ຫວຽດນາມ ບັນລຸໄດ້ບັນດາຜົນງານອັນໃຫຍ່ຫຼວງໃນການພັດທະນາເສດຖະກິດ-ສັງຄົມ, ເສດຖະກິດຫວຽດນາມ ກໍາລັງກາຍເປັນພື້ນຖານເສດຖະກິດການຕະຫຼາດທີ່ຂະຫຍັນຂັນເຄື່ອນ, ເຊື່ອມໂຍງເຂົ້າກັບທົ່ວໂລກຢ່າງແຮງ, ເລິກເຊິ່ງ, ກວ້າງຂວາງ, ແມ່ນສະຖານທີ່ເພື່ອດຶງດູດການລົງທຶນໃນພາກພື້ນ ແລະໃນໂລກ.

ທ່ານນາຍົກລັດຖະມົນຕີ ວາງອອກບັນຫາ, ເຮັດແນວໃດເພື່ອພັດທະນາເສດຖະກິດທັງໄວທັງຍືນຍົງ ໃນຂະນະທີ່ສອງເປົ້າໝາຍນີ້ຂັດແຍ້ງກັນ. ທ່ານກໍ່ເຕື້ອງເຖິງເລື່ອງຢູ່ທີ່ເວທີປາໄສນີ້, ບັນດາຜູ້ແທນໄດ້ຍົກອອກ ແລະປຶກສາຫາລືເຖິງ 3 ໄມ້ງັດເພື່ອບັນລຸສອງເປົ້າໝາຍນີ້, ນັ້ນແມ່ນ: ພະລັງງານຂຽວ, ປັບປຸງສະມັດຕະພາບແຮງງານ ໃນສະພາບການຫັນເປັນອຸດສາຫະກໍາ  ແລະປັບປຸງສະພາບແວດລ້ອມແຫ່ງການລົງທຶນ, ດໍາເນີນທຸລະກິດຜ່ານການບໍລິຫານຄວາມສ່ຽງດ້ານການເງິນ, ການຄ້າ, ການລົງທຶນ... ທ່ານນາຍົກລັດຖະມົນຕີ ສະແດງຄວາມປິຕິຊົມຊຶ່ນຕໍ່ບັນດາໝາກຜົນ ປີ 2017, ແຕ່ຄວນຖືນີ້ແມ່ນພື້ນຖານເພື່ອໃຫ້ພວກເຮົາມີຄວາມໝັ້ນໃຈກວ່າ ໃນການສ້າງໂຄງປະກອບພື້ນຖານເສດຖະກິດຄືນໃໝ່, ປ່ຽນແປງໃໝ່ຮູບແບບການເຕີບໂຕຢ່າງແຮງ, ສ້າງພື້ນຖານຢ່າງໜັກແໜ້ນ ເພື່ອໃຫ້ເສດຖະກິດເຕີບໂຕສູງໃນໄລຍະຍາວ, ມີການກະທໍາລະອຽດເພື່ອໝູນໃຊ້ກາລະໂອກາດຢ່າງສຸດຂີດ, ຜ່ານຜ່າສິ່ງທ້າທາຍຢ່າງສະຫງ່າຜ່າເຜີຍ, ເສີມຂະຫຍາຍກຳລັງຄວາມສາມາດບົ່ມຊ້ອນຢ່າງສູງສຸດ, ສູ້ຊົນກາຍເປັນ “ເສືອ” ເສດຖະກິດໂຕໃໝ່ຂອງອາຊີ.

 

ແປໂດຍ: ກວຽດເຕີມ