ປີ 2017, ຂະແໜງວິທະຍາສາດ ແລະເຕັກໂນໂລຢີໄດ້ປະກອບສ່ວນກວ່າ 30% ມູນຄ່າເພີ່ມໃນຂົງເຂດຜະລິດກະສິກໍາ. ໝາກຜົນແຫ່ງການເຄື່ອນໄຫວວິທະຍາສາດ ແລະເຕັກໂນໂລຢີໄດ້ປະກອບສ່ວນເຂົ້າໃນຜົນງານສໍາເລັດລື່ນກາຍດັດຊະນີຜະລິດທົ່ວຂະແໜງອຸດສາຫະກໍາແມ່ນ 9,4%. ໃນບັນດາຂົງເຂດບໍລິການ, ເລື່ອງໝູນໃຊ້ເຕັກໂນໂລຢີ-ຂໍ້ມູນຂ່າວສານ ແລະບັນດາເຕັກໂນໂລຢີຫຼັກແຫຼ່ງຂອງການປະຕິວັດ 4.0 ໄດ້ຮັບການຍູ້ແຮງ. ດັດຊະນີປ່ຽນແປງໃໝ່ຫົວຄິດປະສິດສ້າງທົ່ວໂລກ (GII) ຂອງຫວຽດນາມ ເພີ່ມຂຶ້ນ 12 ຂັ້ນ, ບັນລຸໄດ້ທີ່ຕັ້ງສູງສຸດນັບແຕ່ກ່ອນມາຮອດປະຈຸບັນ.

leftcenterrightdel
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ກ່າວຄໍາເຫັນທີ່ກອງປະຊຸມ. ພາບ: ລາຢຸຍ-ວັນຟອງ

ທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊົມເຊີຍ ແລະຕີລາຄາສູງບັນດາຜົນງານທີ່ກະຊວງວິທະຍາສາດ ແລະເຕັກໂນໂລຢີ ບັນລຸໄດ້ໃນປີ 2017. ການກໍານົດທິດຂະແໜງວິທະຍາສາດ ແລະເຕັກໂນໂລຢີ ໄລຍະ 2018-2020, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີ 4 ເສົາຄໍ້າຄວນປ່ຽນແປງໃໝ່ແມ່ນ: ວິທະຍາສາດ ແລະເຕັກໂນໂລຢີ ຕ້ອງປະກອບສ່ວນເຂົ້າໃນການຫັນປ່ຽນຮູບແບບການເຕີບໂຕເສດຖະກິດ, ເປັນຕົ້ນແມ່ນບັນດາຮູບແບບສະມັດຕະພາບຕໍ່າທີ່ສຸດໃນຂົງເຂດກະສິກໍາ; ຊຸກຍູ້ການປ່ຽນແປງໃໝ່ຫົວຄິດປະດິດສ້າງຢູ່ຫວຽດນາມ ຢ່າງແຮງກວ່າອີກ; ສຸມໃສ່ຮັບໃຊ້ວິສາຫະກິດໝູນໃຊ້ ແລະປ່ຽນແປງໃໝ່ເຕັກໂນໂລຢີ, ຖືວິສາຫະກິດແມ່ນໃຈກາງແຫ່ງການປ່ຽນແປງໃໝ່ວິທະຍາສາດ ແລະເຕັກໂນໂລຢີ; ວິທະຍາສາດ ແລະເຕັກໂນໂລຢີ ຕ້ອງປະກອບສ່ວນຍົກສູງສະມັດຕະພາບ, ຄຸນນະພາບການອອກແຮງງານ ແລະປະສິດທິຜົນແຫ່ງການຜະລິດດໍາເນີນທຸລະກິດຂອງພື້ນຖານເສດຖະກິດ.

leftcenterrightdel
ທ່ານຮອງນາຍົກລັດຖະມົນຕີ ຫວູດຶກດາມ ປະດັບຫຼຽນໄຊແຮງງານຊັ້ນ II ໃຫ້ທ່ານ ຈູງອັກແອງ, ລັດຖະມົນຕີກະຊວງວິທະຍາສາດ ແລະເຕັກໂນໂລຢີ. ພາບ: ລາຢຸຍ-ວັນຟອງ

ທ່ານນາຍົກລັດຖະມົນຕີ ກໍ່ສະເໜີ 3 ບຸກທະລຸຄວນສຸມໃສ່: ບຸກທະລຸກ່ຽວກັບລະບອບນະໂຍບາຍ; ປ່ຽນໃໝ່ວິທີການລົງທຶນກົນໄກສັ່ງສິນຄ້າໃຫ້ວິທະຍາສາດ ແລະເຕັກໂນໂລຢີ; ປ່ຽນແປງໃໝ່ນະໂຍບາຍນໍາໃຊ້ ແລະຖືເປັນສຳຄັນໃນການນຳໃຊ້ພະນັກງານວິທະຍາສາດ ແລະເຕັກໂນໂລຢີ. ການເອົາໃຈໃສ່ 5 ຢ່າງຄວນໄດ້ຮັບການກວດກາ: ເປັນເຈົ້າການກ່ຽວກັບການພັດທະນາພື້ນຖານໂຄງລ່າງວິທະຍາສາດ ແລະເຕັກໂນໂລຢີຢ່າງທັນສະໄໝຄົບຊຸດ; ຄວນເອົາໃຈໃສ່, ຜັນຂະຫຍາຍເຂດເສດຖະກິດຈຸດສຸມອີງໃສ່ວິທະຍາສາດ ແລະເຕັກໂນໂລຢີ; ວິທະຍາສາດ ແລະເຕັກໂນໂລຢີຕ້ອງຕິດພັນກັບຄວາມຮຽກຮ້ອງຕ້ອງການເຊື່ອມໂຍງເຂົ້າກັບສາກົນ ແລະປັບຕົວເຂົ້າກັບພື້ນຖານເສດຖະກິດພູມປັນຍາ ແລະໂລກ; ຮັບປະກັນລັກສະນະໝັ້ນຄົງໃນວິວັດທະນາການພັດທະນາວິທະຍາສາດ ແລະເຕັກໂນໂລຢີ; ສ້າງກະຊວງວິທະຍາສາດ ແລະເຕັກໂນໂລຢີໃຫ້ເຂັ້ມແຂງດ້ານອັດທະຍາໄສ, ຄຸນນະທາດ ແລະກຳລັງກາຍ...

 

ແປໂດຍ: ຫງວຽນກຸກ