ຊາວລາວຫຼາຍຄົນດໍາລົງຊີວິດຢູ່ແຂວງກວ໋າງຈິ ໄດ້ຖືສັນຊາດຫວຽດນາມ
ກປ.ອອນໄລ - ລັດຖະບານ ຫາກໍ່ຕົກລົງໃຫ້ຊາວລາວຈໍານວນ 119 ຄົນທີ່ຕັ້ງພູມລໍາເນົາຕາມລໍາພັງໃຈເຂົ້າມາຢູ່ແຂວງກວ໋າງຈິ ຖືສັນຊາດຫວຽດນາມ.
ປັດຈຸບັນຍັງມີຄົນລາວຕັ້ງພູມລໍາເນົາຕາມລໍາພັງໃຈ ແລະແຕ່ງງານບໍ່ຖືກຕ້ອງຕາມກົດໝາຍກັບຄົນຫວຽດນາມຈໍານວນ 700 ຄົນຢາກຖືສັນຊາດຫວຽດນາມ. ແຂວງກວ໋າງຈິ ຈະສືບຕໍ່ແນະນໍາການປະກອບເອກະສານເພື່ອຖືສັນຊາດຫວຽດນາມ ກ່ອນວັນທີ 30 ມິຖຸນາ 2019.
|
|
ຄະນະກໍາມະການປະຊາຊົນແຂວງກວ໋າງຈິ ມອບຂອງຂວັນໃຫ້ແກ່ປະຊາຄົມຊາວລາວທີ່ດໍາລົງຊີວິດຢູ່ຫວຽດນາມ. ພາບ: ຕຽນຟອງ. |
ໂດຍປະຕິບັດຂໍ້ຕົກລົງລະຫວ່າງລັດຖະບານສອງປະເທດຫວຽດນາມ ແລະລາວ, ແຂວງກວ໋າງຈິ ແລະສອງແຂວງທີ່ມີເສັ້ນຊາຍແດນຮ່ວມແມ່ນແຂວງສະຫວັນນະເຂດ ແລະສາລະວັນ (ສປປ ລາວ) ໄດ້ດໍາເນີນການສໍາຫຼວດກວດກາສະພາບການຕັ້ງພູມລໍາເນົາຕາມລໍາພັງໃຈ.
ຜ່ານການສໍາຫຼວດໄດ້ຊີ້ໃຫ້ເຫັນວ່າ, ປັດຈຸບັນມີຊາວລາວຫຼາຍຄອບຄົວ ແລະບຸກຄົນແຕ່ງງານບໍ່ຖືກຕ້ອງຕາມກົດໝາຍທີ່ກໍາລັງດໍາລົງຊີວິດຢູ່ບັນດາຕາແສງຊາຍແດນ.
ທ່ານ ຮ່າສີດົ່ງ, ຮອງປະທານຄະນະກໍາມະການປະຊາຊົນແຂວງກວ໋າງຈິ ໃຫ້ຮູ້ວ່າ, ແຂວງກວ໋າງຈິ ຈະຊີ້ນໍາການປະກອບບັນດາເອກະສານຕໍ່ໄປຄື: ສໍາມະໂນຄົວ, ບັດປະຈໍາຕົວ ແລະບັນດາລະບອບ, ນະໂຍບາຍ.
ຄຽງຂ້າງນັ້ນ, ທ້ອງຖິ່ນກໍ່ມີບັນດານະໂຍບາຍກ່ຽວກັບທີ່ດິນ, ເຮືອນຢູ່ ກໍ່ຄື ບັນດານະໂຍບາຍປະກັນສຸຂະພາບ, ພັດທະນາບັນດາບ້ານວັດທະນະທໍາ, ກໍ່ສ້າງຄອບຄົວວັດທະນະທໍາ.
ໂດຍ: ໄຊຊະນະ