ນັກສຶກສາລາວກວ່າ 400 ຄົນໄດ້ຕ້ອນຮັບມາຮ່ວມດໍາລົງຊີວິດພ້ອມກັບປະຊາຊົນ (homestay)
ກປ.ອອນໄລ - ວັນທີ 30 ສິງຫາ, ທີ່ແຂວງຖ໋າຍງວຽນ, ສະມາຄົມມິດຕະພາບຫວຽດນາມ-ລາວ ແຂວງຖ໋າຍງວຽນ ໄດ້ສົມທົບກັບມະຫາວິທະຍາໄລຖ໋າຍງວຽນ ຈັດກອງປະຊຸມສະຫຼຸບລາຍການຕ້ອນຮັບນັກສຶກສາລາວມາຮ່ວມດໍາລົງຊີວິດພ້ອມກັບປະຊາຊົນ (homestay) ຢູ່ບັນດາມະຫາວິທະຍາໄລ, ວິທະຍາໄລໃນບໍລິເວນແຂວງຖ໋າຍງວຽນ, ສົກຮຽນ 2017-2018.
ທີ່ກອງປະຊຸມ, ມີ 6 ໝູ່ຄະນະ ແລະ 11 ສ່ວນບຸກຄົນທີ່ມີຜົນງານດີເດັ່ນໃນການປະຕິບັດລາຍການ homestay ໄດ້ຮັບໃບຍ້ອງຍໍ.
ທ່ານ ສຈ.ປອ ດັ້ງວັນມິງ, ຮອງຜູ້ອໍານວຍການມະຫາວິທະຍາໄລຖ໋າຍງວຽນ ໃຫ້ຮູ້ວ່າ, ລາຍການ homestay ກັບນັກສຶກສາລາວແມ່ນສຸດທີ່ມີປະໂຫຍດ, ປະກອບສ່ວນເພີ່ມພູນຄູນສ້າງອາລົມຈິດອັນດີງາມທີ່ບໍ່ຈືດຈາງຕະຫຼອດໄປລະຫວ່າງສອງຊາດຫວຽດນາມ-ລາວ. ພິເສດ, ລາຍການໄດ້ປະກອບສ່ວນສ້າງເງື່ອນໄຂສະດວກເພື່ອໃຫ້ນັກສຶກສາລາວຮຽນພາສາຫວຽດນາມ ໄດ້ດີ, ນັ້ນແມ່ນລູກກະແຈຊ່ວຍໃຫ້ພວກນ້ອງຮັບເອົາຄວາມຮູ້ຢູ່ໂຮງຮຽນ, ສໍາຜັດກັບວັດທະນະທໍາ, ຮີດຄອງປະເພນີ, ອາຫານການກິນ, ອາລົມຈິດຂອງຄົນຫວຽດນາມໃຫ້ດີກວ່າອີກ...
|
|
ທ່ານ ສຈ.ປອ ດັ້ງວັນມິງ, ຮອງຜູ້ອໍານວຍການມະຫາວິທະຍາໄລຖ໋າຍງວຽນ ມອບໃບຍ້ອງຍໍໃຫ້ບັນດາສ່ວນບຸກຄົນທີ່ມີຜົນງານດີເດັ່ນ. ພາບ: ສໍານັກຂ່າວສານຫວຽດນາມ. |
ໃນໄລຍະຈະມາເຖິງ, ຄະນະຊີ້ນໍາລາຍການສືບຕໍ່ສົມທົບກັບບັນດາມະຫາວິທະຍາໄລ, ວິທະຍາໄລ ໂຄສະນາເຜີຍແຜ່ເນື້ອໃນ, ຄວາມໝາຍຂອງລາຍການເຖິງບັນດາຄອບຄົວຫວຽດນາມ, ພະນັກງານ, ຄູອາຈານບັນດາໂຮງຮຽນ, ນັກສຶກສາລາວກໍາລັງຮໍ່າຮຽນຢູ່ແຂວງຖ໋າຍງວຽນ ຢ່າງເລິກເຊິ່ງ ແລະທົ່ວເຖິງ.
ໂດຍ: ຮວ່າງເຈື່ອງ