ລາວປະດັບຫຼຽນໄຊ ແລະຫຼຽນກາມິດຕະພາບໃຫ້ນະຄອນຫຼວງຮ່າໂນ້ຍ
ເພື່ອເປັນການຈາລຶກບຸນຄຸນ ແລະຄຸນງາມຄວາມດີຂອງອະດີດການນຳນະຄອນຫຼວງຮ່າໂນ້ຍ ແລະພະແນກກະສິກຳ ແລະພັດທະນາຊົນນະບົດນະຄອນຫຼວງຮ່າໂນ້ຍ ສສ ຫວຽດນາມ ທີ່ມີຜົນງານໃນການປະກອບສວນຮ່ວມມື ແລະໃຫ້ການຊ່ວຍເຫຼືອພະແນກກະສິກຳ ແລະປ່າໄມ້ນະຄອນຫຼວງວຽງຈັນ ເປັນຕົ້ນໃຫ້ທຶນເຝິກອົບຮົມການແລກປ່ຽນບົດຮຽນເຊິ່ງກັນ ແລະກັນຊ່ວຍເຫຼືອດ້ານແນວພັນພືດສັດການສ້າງແຜນແມ່ບົດພັດທະນາກະສິກຳ ແລະປ່າໄມ້ ຮອດປີ 2020, ຍຸດທະສາດຮອດປີ 2025 ແລະ ວິໄສທັດຮອດປີ 2030 ໃຫ້ແກ່ພະແນກກະສິກຳ ແລະປ່າໄມ້ນະຄອນຫຼວງວຽງຈັນ ມູນຄ່າ 6,2 ຕື້ດົງ.