ລາດຕະເວນສອງຝ່າຍຢູ່ສອງຟາກຊາຍແດນແຂວງ ເງ້ອານ-ບໍລິຄໍາໄຊ
ກປ.ອອນໄລ - ວັນທີ 5 ເມສາ, ປ້ອມປ້ອງກັນຊາຍແດນ ດ່ານຊາຍແດນ ແທງຖຸຍ, ກອງບັນຊາການທະຫານປ້ອງກັນຊາຍແດນແຂວງ ເງ້ອານ ແລະກອງຮ້ອຍຊາຍແດນ 252, ກອງບັນຊາການທະຫານ ແລະປ້ອມຕໍາຫຼວດ ນໍ້າອອນ, ກອງບັນຊາການປ້ອງກັນຄວາມສະຫງົບແຂວງ ບໍລິຄໍາ ໄຊ (ສປປ ລາວ) ໄດ້ສົມທົບກັນຈັດຕັ້ງການລາດຕະເວນສອງຝ່າຍຢູ່ເສັ້ນຊາຍແດນຫວຽດນາມ-ລາວ.
ການລາດຕະເວນສອງຝ່າຍໃນຄັ້ງນີ້, ບັນດາກົມກອງໄດ້ຈັດຕັ້ງການລາດຕະເວນຮ່ວມຕອນຊາຍແດນຈາກຫຼັກໝາຍຊາຍແດນ ເລກທີ 460 ເຖິງຫຼັກໝາຍຊາຍແດນ ເລກທີ 462. ສອງຝ່າຍໄດ້ປະຕິບັດຖືກຕ້ອງຕາມຫຼັກການ, ພິທີການ, ລະບຽບການໃນການເຄື່ອນໄຫວພົວພັນຕ່າງປະເທດດ້ານປ້ອງກັນຊາຍແດນ.
|
|
ສອງຝ່າຍປະຕິບັດພິທີການຂໍ່ານັບຫຼັກໝາຍຊາຍແດນ. ພາບ: ເຟືອງລິງ. |
ທ່ານຮ້ອຍເອກ ຖ໋າຍດິ່ງຮ່າ, ຫົວໜ້າໜ່ວຍປະກອບອາວຸດ, ຮັບຜິດຊອບກໍາລັງລາດຕະເວນປ້ອມປ້ອງກັນຊາຍແດນ ດ່ານຊາຍແດນ ແທງຖຸຍ ໃຫ້ຮູ້ວ່າ, ນີ້ແມ່ນການເຄື່ອນໄຫວເພື່ອແນໃສ່ຄົ້ນພົບບັນດາການລະເມີດກົດລະບຽບຊາຍແດນ, ແກ້ໄຂບັນດາກໍລະນີເກີດຂຶ້ນຢູ່ຊາຍແດນຢ່າງທັນການ; ສົມທົບກັນປົກປັກຮັກສາເສັ້ນຊາຍແດນລວມ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນຫວຽດນາມ-ລາວ ໃຫ້ເປັນປົກກະຕິ.
ສິ້ນສຸດການລາດຕະເວນ, ສອງຝ່າຍໄດ້ຈັດຕັ້ງການຖອດຖອນບົດຮຽນ, ເຊັນບົດບັນທຶກຮັບຮູ້ໝາກຜົນຂອງວຽກງານຄຸ້ມຄອງ, ປົກປັກຮັກສາຊາຍແດນໃນໄລຍະຜ່ານມາ, ພ້ອມທັງວາງອອກແຜນນະໂຍບາຍ, ມາດຕະການແກ້ໄຂ ແລະເຫັນດີເປັນເອກະພາບກ່ຽວກັບເວລາ, ຈໍານວນພົນໃຫ້ແກ່ການລາດຕະເວນສອງຝ່າຍໃນຄັ້ງຕໍ່ໄປ.
ແປໂດຍ: ຮວ່າງເຈື່ອງ