ບໍລິສັດຮ່ວມມືສາກົນ 705 ຈັດຕັ້ງພິທີເປີດການນໍາໃຊ້, ມອບ-ຮັບໂຄງການຮ່ວມມືພັດທະນາກຸ່ມບ້ານ
ກປ.ອອນໄລ - ບໍລິສັດຮ່ວມມືສາກົນ 705 ຫາກໍ່ສົມທົບກັບຄະນະຊີ້ນໍາພັດທະນາຊົນນະບົດ ແລະລົບລ້າງຄວາມທຸກຍາກສູນກາງ ລາວ ຈັດຕັ້ງພິທີເປີດການນໍາໃຊ້ໂຄງການຮ່ວມມືພັດທະນາຊາຍແດນຫວຽດນາມ-ລາວ ຢູ່ແຂວງ ຫຼວງພະບາງ ແລະຜົ້ງສາລີ.
ໂຄງການດັ່ງກ່າວໂດຍບໍລິສັດຮ່ວມມືສາກົນ 705 ລົງມືກໍ່ສ້າງເຊິ່ງໄດ້ຮັບການຜັນຂະຫຍາຍຢູ່ກຸ່ມບ້ານ ປ່າລັນ, ເມືອງ ໃໝ່ (ແຂວງ ຜົ້ງສາລີ) ແລະກຸ່ມບ້ານ ນາຫຼວງ, ເມືອງ ໂພນທອງ (ແຂວງ ຫຼວງພະບາງ) ລວມມີ 64 ກິດຈະກຳຍ່ອຍ, ດ້ວຍມູນຄ່າລົງທຶນທັງໝົດ 52.208 ລ້ານກີບ ເທົ່າກັບ 141 ຕື້ດົ່ງ, ໃນນັ້ນລັດຖະບານ ລາວ ຮັບປະກັນ 60% ແລະລັດຖະບານ ຫວຽດນາມ ຮັບປະກັນ 40%.
|
|
ສະຫາຍ ແພງ ລີລາວົງ, ຮອງເລຂາພັກແຂວງ, ຮອງເຈົ້າແຂວງໆ ຜົ້ງສາລີ ມອບຫຼຽນໄຊມິດຕະພາບໃຫ້ບໍລິສັດຮ່ວມມືສາກົນ 705. ພາບ: ຊວນມາຍ. |
ພາຍຫຼັງເກືອບ 5 ປີແຫ່ງການຜັນຂະຫຍາຍ, ບໍລິສັດຮ່ວມມືສາກົນ 705 ໄດ້ປະຕິບັດສໍາເລັດບັນດາກິດຈະກຳຍ່ອຍທັງໝົດ, ຮັບປະກັນຄຸນນະພາບ, ປະສິດທິຜົນ ແລະຄວາມຄືບໜ້າກໍ່ສ້າງ. ໂຄງການດັ່ງກ່າວໄດ້ປະກອບສ່ວນສໍາຄັນຊ່ວຍໃຫ້ບັນດາທ້ອງຖິ່ນຂອງປະເທດເພື່ອນບ້ານພັດທະນາພື້ນຖານໂຄງລ່າງ, ເສດຖະກິດ, ວັດທະນະທໍາ, ສັງຄົມ, ບັນດາກຸ່ມບ້ານມີຫຼາຍກິດ ຈະກຳຮັບປະກັນຊີວິດສັງຄົມໃຫ້ປະຊາຊົນຕື່ມອີກ.
|
|
ການນໍາບໍລິສັດຮ່ວມມືສາກົນ 705 ແລະແຂວງ ຫຼວງພະບາງ ລົງນາມ, ມອບ-ຮັບບັນດາກິດຈະກຳຍ່ອຍຂອງໂຄງການ. ພາບ: ຊວນມາຍ. |
ໂຄງການດັ່ງກ່າວກໍ່ສ້າງສໍາເລັດ ແລະມອບໃຫ້ປະເທດເພື່ອນບ້ານໄດ້ປະກອບສ່ວນຢ່າງຕັ້ງໜ້າເຂົ້າໃນການເພີ່ມພູນຄູນສ້າງຄວາມສາມັກຄີມິດຕະພາບແບບພິເສດ, ການຮ່ວມມືຮອບດ້ານລະຫວ່າງ ພັກ, ລັດ, ກອງທັບ ແລະປະຊາຊົນສອງປະເທດຫວຽດນາມ-ລາວ ເວົ້າລວມ, ລະຫວ່າງກໍາລັງປະກອບອາວຸດທະຫານເຂດ ແລະບັນດາທ້ອງຖິ່ນໃນບໍລິເວນພາກເໜືອຂອງລາວໃຫ້ຂຶ້ນສູ່ລະດັບສູງໃໝ່.
ເນື່ອງໃນໂອກາດນີ້, ໂດຍໄດ້ຮັບການມອບສິດຈາກປະທານປະເທດ ແຫ່ງ ສປປ ລາວ, ທ່ານ ແພງ ລີລາວົງ, ຮອງເລຂາພັກແຂວງ, ຮອງເຈົ້າແຂວງໆ ຜົ້ງສາລີ ໄດ້ປະດັບຫຼຽນໄຊມິດຕະພາບ ແລະໃບຍ້ອງຍໍໃຫ້ບໍລິສັດຮ່ວມມືສາກົນ 705; ມອບຫຼຽນໄຊມິດຕະພາບ 31 ຫຼຽນ ແລະຫຼຽນໄຊມິດຕະພາບ 35 ຫຼຽນໃຫ້ແກ່ສ່ວນບຸກຄົນທີ່ມີການອຸທິດສ່ວນ ແລະມີຜົນງານດີເດັ່ນໃນການປະຕິບັດໂຄງການ, ເພີ່ມພູນຄູນສ້າງຄວາມສາມັກຄີແບບພິເສດ, ການຮ່ວມມືຮອບດ້ານຫວຽດນາມ-ລາວ, ລາວ-ຫວຽດນາມ.
ແປໂດຍ: ຮວ່າງເຈື່ອງ