ແບງປັ່ນບົດຮຽນກ່ຽວກັບການພັດທະນາເສດຖະກິດຮ່ວມມື, ສະຫະກອນກັບລາວ
ກປ.ອອນໄລ - ວັນທີ 21 ມີນາ, ຢູ່ຮ່າໂນ້ຍ, ທ່ານ ບົວສອນ ບຸບຜາວັນ, ອະດີດກໍາມະການກົມການເມືອງສູນກາງພັກ, ອະດີດນາຍົກລັດຖະມົນຕີ, ຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດລາວ ໄດ້ມາຢ້ຽມຢາມ, ເຮັດວຽກກັບສະຫະພັນສະຫະກອນຫວຽດນາມ.
ກ່າວຄໍາເຫັນທີ່ການເຮັດວຽກ, ທ່ານ ບົວສອນ ບຸບຜາວັນ ຢັ້ງຢືນວ່າ, ໃນຫຼາຍປີຜ່ານມາ, ຫວຽດນາມ ແລະລາວ ຍາມໃດກໍມີການພົວພັນຮ່ວມມືພິເສດ. ໃນບໍ່ວ່າວິວັດການພັດທະນາໃດ, ສອງປະເທດຍາມໃດກໍຊ່ວຍເຫຼືອ, ໜູນຊ່ວຍເຊິ່ງກັນ ແລະກັນບໍ່ພຽງແຕ່ດ້ານວັດຖຸເທົ່ານັ້ນ, ຫາກຍັງແບງປັ່ນບັນດາບົດຮຽນປະສົບການທີ່ລໍ້າຄ່າອີກດ້ວຍ.
|
|
ສະຫະພັນສະຫະກອນຫວຽດນາມ ຕ້ອນຮັບຄະນະຜູ້ແທນລາວ. ພາບ: nhandan.com.vn. |
ໃນໄລຍະຜ່ານມາ, ພັກ, ລັດຫວຽດນາມ ໄດ້ມີຫຼາຍແຜນນະໂຍບາຍ, ນະໂຍບາຍຖືກຕ້ອງກັບການພັດທະນາຂອງເຂດເສດຖະກິດຮ່ວມມື, ສະຫະກອນ. ຕາມທ່ານ ຫງວຽນງອກບາວ ປະທານສະຫະພັນສະຫະກອນຫວຽດນາມ, ປະຈຸບັນ, ສະຫະພັນສະຫະກອນຫວຽດນາມ ກໍາລັງສວມບົດບາດສໍາຄັນໃນການສ້າງ ແລະພັດທະນາລະບົບສະຫະກອນ. ຜ່ານການປະຕິບັດງານຄັ້ງນີ້, ສະຫະພັນສະຫະກອນຫວຽດນາມ ກໍປາດຖະໜາຢາກແບງປັ່ນບັນດາບົດຮຽນກ່ຽວກັບການພັດທະນາເສດຖະກິດ, ສະຫະກອນຢູ່ ຫວຽດນາມ ກໍຄືຫວັງວ່າການຮ່ວມມືຫວຽດນາມ ແລະລາວ ໃນຂົງເຂດເສດຖະກິດຮ່ວມມື, ສະຫະກອນຈະປະກອບສ່ວນຊຸກຍູ້ການພັດທະນາຂອງຂົງເຂດນີ້ໃນອະນາຄົດ.
ໃນຕອນບ່າຍວັນດຽວກັນ, ທ່ານ ບົວສອນ ບຸບຜາວັນ ແລະຄະນະປະຕິບັດງານກໍໄດ້ມາຢ້ຽມຢາມບາງຮູບແບບສະຫະກອນໃໝ່ທີ່ໄດ້ຫັນປ່ຽນສໍາເລັດຜົນຕາມກົດໝາຍວ່າດ້ວຍສະຫະກອນ 2012 ຢູ່ແຂວງວີ້ງຝຸກ.
ໂດຍ: ຈາງຫງວຽນ