ວົງເງິນສົ່ງອອກ ໄປຍັງ ລາວ ເຕີບໂຕພໍສົມຄວນ
ກປ.ອອນໄລ - ຕາມສູນຂໍ້ມູນຂ່າວສານອຸດສາຫະກໍາ ແລະການຄ້າ (ກະຊວງອຸດສາຫະກໍາ ແລະການຄ້າຫວຽດນາມ), ປີ 2018, ວົງເງິນການຄ້າສອງສົ້ນ ຫວຽດນາມ-ລາວ ບັນລຸໄດ້ກວ່າ 1 ຕື້ໂດລາສະຫະລັດ, ເພີ່ມຂຶ້ນ 14% ເມື່ອທຽບໃສ່ປີ 2017. ສອງເດືອນຕົ້ນປີ 2019, ວົງເງິນສົ່ງອອກ ໄປຍັງ ລາວ ບັນລຸໄດ້ 97,4 ລ້ານໂດລາສະຫະລັດ, ເພີ່ມຂຶ້ນ 20,26% ເມື່ອທຽບໃສ່ໄລຍະດຽວກັນປີ 2018.
|
|
ພາບປະກອບຄັດຈາກ: vietnamexport.com. |
ບັນດາປະເພດສິນຄ້າສົ່ງອອກຕົ້ນຕໍແມ່ນນໍ້າມັນ, ເຫຼັກກ້າ, ພາຫະນະຂົນສົ່ງ, ຜະລິດຕະພັນຈາກເຫຼັກກ້າ - ນີ້ແມ່ນບັນດາປະເພດສິນຄ້າບັນລຸວົງເງິນການຄ້າສູງ ແລະກວມເອົາ 40,84% ຂອງອັດຕາສ່ວນທັງໝົດ, ໃນນັ້ນ, ນໍ້າມັນບັນລຸໄດ້ຫຼາຍກວ່າໝູ່ດ້ວຍ 12,8 ລ້ານໂດລາສະຫະລັດ. ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີສາມຂອງ ລາວ, ຖັດຈາກໄທ ແລະຈີນ.
ປະຈຸບັັນ, ລັດຖະບານລາວ ພວມປະຕິບັດການຍົກເວັ້ນບັນດາຂໍ້ກໍານົດ, ລະບຽບການບໍລິຫານທີ່ແກ່ຍາວ, ຫຼຸດເວລາສ້າງຕັ້ງວິສາຫະກິດ, ຫຼຸດພາສີອາກອນ ແລະເພີ່ມທະວີພື້ນຖານໂຄງລ່າງ... ປະກອບສ່ວນປັບປຸງສະພາບແວດລ້ອມແຫ່ງການລົງທຶນດໍາເນີນທຸລະກິດ ເພື່ອແນໃສ່ດຶງດູດການລົງທຶນຈາກຕ່າງປະເທດ, ໃນນັ້ນມີເງິນລົງທຶນຈາກຫວຽດນາມ.
ໂດຍ: ເກື່ອງດັ້ງ