ເນື້ອໃນໂທລະເລກຊົມເຊີຍຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ມີຕອນຂຽນວ່າ: ພັກປະຊາຊົນປະຕິວັດລາວ ແລະປະຊາຊົນລາວ ມີຄວາມປິຕິຊົມຊື່ນທີ່ສຸດ ແລະຕີລາຄາສູງຕໍ່ບັນດາຜົນງານ, ໄຊຊະນະອັນໃຫຍ່ຫຼວງ, ຮອບດ້ານ, ມີຄວາມໝາຍປະຫວັດສາດ ເຊິ່ງປະຊາຊົນຫວຽດນາມ ອ້າຍນ້ອງຍາດໄດ້ໃນຕະຫຼອດ 89 ປີຜ່ານມາພາຍໃຕ້ການນໍາພາຂອງພັກກອມມູນິດຫວຽດນາມ, ພິເສດແມ່ນບັນດາຜົນງານຮອບດ້ານໃນພາລະກິດແຫ່ງການປ່ຽນແປງໃໝ່ຂອງຫວຽດນາມ ແລະນໍາມາເຊິ່ງສະຖຽນລະພາບດ້ານການເມືອງ, ເສດຖະກິດເຕີບໂຕໄວ ແລະຕໍ່ເນື່ອງຢູ່ໃນລະດັບສູງ, ການດຳລົງຊີວິດຂອງປະຊາຊົນໄດ້ຮັບການປັບປຸງຢ່າງບໍ່ຢຸດຢັ້ງ, ການພົວພັນທາງການທູດໄດ້ຮັບການເປີດກວ້າງ, ທີ່ຕັ້ງ ແລະຖານະບົດບາດຂອງຫວຽດນາມ ນັບມື້ນັບໄດ້ຮັບການຍົກສູງຂຶ້ນໃນເວທີສາກົນ.

leftcenterrightdel
ສະເຫຼີມສະຫຼອງ 89 ປີແຫ່ງວັນສ້າງຕັ້ງພັກກອມມູນິດຫວຽດນາມ. ພາບ: conganbackan.vn.

ພັກ, ລັດ ແລະປະຊາຊົນລາວ ເຊື່ອໝັ້ນຢ່າງແນ່ວແນ່ວ່າ ພາຍໃຕ້ການນໍາພາຂອງພັກກອມມູນິດຫວຽດນາມ ໂດຍທ່ານ ຫງວຽນຝູຈ້ອງ, ເລຂາທິການໃຫຍ່, ປະທານປະເທດຫວຽດນາມ ນໍາໜ້າ, ປະຊາຊົນຫວຽດນາມ ອ້າຍນ້ອງຈະສືບຕໍ່ຍາດໄດ້ໄຊຊະນະໃໝ່, ອັນໃຫຍ່ຫຼວງກວ່າ ໃນພາລະກິດແຫ່ງການປ່ຽນແປງໃໝ່, ສ້າງສາ, ພັດທະນາປະເທດຊາດ ແລະນໍາຫວຽດນາມ ກາຍເປັນປະເທດອຸດສາຫະກໍາຕາມທິດທັນສະໄໝ ແລະບັນລຸເປົ້າໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທໍາ ແລະສີວິໄລ ໂດຍໄວ.

ພັກປະຊາຊົນປະຕິວັດລາວ ແລະພັກກອມມູນິດຫວຽດນາມ ແມ່ນສອງພັກມີກົກເຄົ້າມາຈາກພັກກອມມູນິດອິນດູຈີນ; ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດລາວ-ຫວຽດນາມ ເຊິ່ງບັນດາການນໍາຂອງສອງພັກໄດ້ກໍ່ຕັ້ງ ແລະເພີ່ມພູນຄູນສ້າງນັບມື້ນັບພັດທະນາເຂົ້າສູ່ລວງເລິກໃນທຸກຂົງເຂດ, ນໍາມາເຊິ່ງຜົນປະໂຫຍດຢ່າງແທດຈິງໃຫ້ແກ່ປະຊາຊົນສອງປະເທດ.

ໂດຍ: ເຈິ່ນຮວ່ຽນ