ສະເຫຼີມສະຫຼອງວັນຊາດ ສປປ ລາວ ຄົບຮອບ 43 ປີ
ກປ.ອອນໄລ - ວັນທີ 2 ທັນວາ, ສະມາຄົມມິດຕະພາບຫວຽດນາມ - ລາວ ແຂວງເງະອານ ໄດ້ສົມທົບກັບກອງບັນຊາການທະຫານຊາຍແດນແຂວງ ຈັດຕັ້ງພິທີສະເຫຼີມສະຫຼອງວັນຊາດ ສປປ ລາວ ຄົບຮອບ 43 ປີ (2 ທັນວາ 1975 – 2 ທັນວາ 2018).
ທີ່ພິທີສະເຫຼີມສະຫຼອງ, ການນຳກອງບັນຊາການທະຫານຊາຍແດນແຂວງເງະອານ ໄດ້ມີບົດກ່າວປາໄສຫວນຄືນປະຫວັດສາດແຫ່ງການຕໍ່ສູ້ຂອງກອງທັບ ແລະປະຊາຊົນລາວ, ກໍ່ຄືການຊ່ວຍເຫຼືອຂອງຫວຽດນາມ. ໃນຕະຫຼອດ 43 ປີຜ່ານມາ, ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ - ລາວ ສືບຕໍ່ໄດ້ຮັບການປັບປຸງ ແລະພັດທະນາ.
|
|
ລາຍການສະແດງສິລະປະ. ພາບ: ໝີງາ. |
ໂດຍເສີມຂະຫຍາຍຜົນສຳເລັດຂອງ “ປີສາມັກຄີມິດຕະພາບຫວຽດນາມ - ລາວ 2017”, ສອງປະເທດໄດ້ສືບຕໍ່ຜັນຂະຫຍາຍຫຼາຍໂຄງການຮ່ວມມືໃນບັນດາຂົງເຂດ ຄື: ບຳລຸງສ້າງແຫຼ່ງຊັບພະຍາກອນມະນຸດໃຫ້ມີຄຸນນະພາບສູງ; ການພົບປະແລກປ່ຽນ, ການຮ່ວມມືດ້ານວັດທະນະທຳ; ປົກປັກຮັກສາຫຼັກໝາຍຊາຍແດນແຫ່ງຊາດ, ປະຕິບັດສັ ຍາຊາຍແດນຫວຽດນາມ - ລາວ ຢ່າງເຂັ້ມງວດ.
ເນື່ອງໃນໂອກາດນີ້, ສູນກາງສະມາຄົມມິດຕະພາບຫວຽດນາມ - ລາວ ໄດ້ຍ້ອງຍໍ 4 ໝູ່ຄະນະ ແລະບຸກຄົນ 5 ຄົນ ທີ່ມີຜົນງານດີເດັ່ນໃນການເຄື່ອນໄຫວວຽກງານການທູດປະຊາຊົນ, ເພີ່ມພູນຄູນສ້າງນ້ຳໃຈສາມັກຄີ, ມິດຕະພາບ, ການຮ່ວມມືແບບພິເສດຫວຽດນາມ -ລາວ.
ໂດຍ: ແສງເດືອນ