ກຳມະບານແຂວງ ແທັງຮວາ ມອບເງິນຊ່ວຍເຫລືອແຂວງ ຫົວພັນ 150 ລ້ານດົງ
ໃນໂອກາດເຂົ້າຮ່ວມກອງປະຊຸມພົບປະແລກປ່ຽນບົດຮຽນກັບສະຫາຍ ພອນສານ ວິໄລເມັ້ງ ຄະນະບໍລິຫານງານສູນກາງສະຫະພັນກຳມະບານລາວ, ປະທານສະຫະພັນກຳມະບານແຂວງ ຫົວພັນ ພ້ອມຄະນະໃນວັນທີ 6 ພະຈິກ 2018.
ສະຫາຍ ໂງໂຕນເຕີ້ນ ກຳມະການພັກແຂວງ, ປະທານກຳມະບານແຂວງແທັງຮວາ ສສ.ຫວຽດນາມ ໄດ້ມອບເງິນຈຳນວນ 150 ລ້ານດົງ ໃຫ້ກຳມະບານແຂວງຫົວພັນ ເພື່ອປະກອບສ່ວນສ້າງເຮືອນຢູ່ ໃຫ້ແກ່ສະມາຊິກກຳມະບານ, ກຳມະກອນຜູ້ທຸກຍາກ ແລະມອບເງິນຈຳນວນ 20 ລ້ານດົງ ເພື່ອນຳໃຊ້ເຂົ້າໃນວຽກງານກຳມະບານພາຍໃນແຂວງ ຫົວພັນ ຕື່ມອີກ.
ການພົບປະຄັ້ງນີ້, ສອງຝ່າຍຕ່າງກໍໄດ້ລາຍງານສະພາບການທີ່ພົ້ນເດັ່ນ, ຂໍ້ສະດວກ, ຂໍ້ຫຍຸ້ງຍາກຢູ່ໃນຂົງເຂດວຽກງານກຳມະບານຂອງຕົນໃຫ້ກັນຊາບ ເພື່ອເປັນບ່ອນອີງໃນການຈັດຕັ້ງປະຕິບັດບົດບັນທຶກຊ່ວຍຈຳທີ່ທັງສອງຝ່າຍທີ່ໄດ້ເຊັນຮ່ວມກັນໂດຍໄດ້ເປັນເອກະພາບວ່າທັງສອງແຂວງຕ້ອງໄດ້ພັດປ່ຽນກັນເປັນເຈົ້າພາບຈັດງານພົບປະກັນ ປີລະຄັ້ງ ເພື່ອເປັນການເພີ່ມທະວີຄວາມສາມັກຄີ ຮັກແພງ ແບບພິສດ ແລະການຮ່ວມມືຮອບດ້ານລະຫວ່າງ ລາວ-ຫວຽດນາມ ໂດຍສະເພາະ ແມ່ນແຂວງ ຫົວພັນ -ແຂວງ ແທັງຮວາ ໃຫ້ນັບມື້ຂະຫຍາຍຕົວ ແລະແໜ້ນແຟ້ນຍິ່ງໆຂຶ້ນ.
ຂ່າວ: ງຸດ ວິໄລຄຳ