ນະຄອນຫຼວງວຽງຈັນ-ສສ ຫວຽດນາມ ແລກປ່ຽນການປະຕິບັດວຽກງານກວດກາ
ກອງປະຊຸມພົບປະ ແລະເຮັດວຽກລະຫວ່າງຄະນະຜູ້ແທນຂັ້ນສູງນະຄອນຫຼວງວຽງຈັນ ນຳໂດຍທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ ແລະຄະນະຜູ້ແທນຂັ້ນສູງຄະນະກວດກາສູນກາງພັກກອມມູນິດຫວຽດນາມ ນຳໂດຍທ່ານ ເຈິ່ນເກີ້ມຕູ້ ເລຂາທິການສູນກາງພັກ, ປະທານຄະນະກວດກາສູນກາງພັກກອມມູນິດຫວຽດນາມ ໄດ້ໄຂຂຶ້ນໃນວັນທີ 31 ຕຸລາ 2018 ທີ່ຫ້ອງວ່າການປົກຄອງນະຄອນຫຼວງວຽງຈັນ ເນື່ອງໃນໂອກາດທີ່ຄະນະເດີນທາງມາຢ້ຽມຢາມ ແລະເຮັດວຽກຢູ່ ສປປ ລາວ.