ທີ່ການພົບປະ, ທ່ານ ເຈິ່ນເກີ໊ມຕູ໋ ໃຫ້ຮູ້ວ່າ, ສອງຝ່າຍໄດ້ມີການພົບປະເຈລະຈາຢ່າງແທດຈິງ ແລະມີປະສິດທິຜົນ, ຕີລາຄາກ່ຽວກັບໝາກຜົນການຮ່ວມມືໃນໄລຍະຜ່ານມາ, ແລກປ່ຽນ ແລະເຫັນດີເປັນເອກະພາບຕໍ່ທິດທາງຮ່ວມມືໃນໄລຍະຈະມາເຖິງ. ສອງຝ່າຍເຫັນດີເປັນເອກະພາບຈະສືບຕໍ່ປະຕິບັດກົນໄກຮ່ວມມືເປັນຢ່າງດີຕາມແຜນການຮ່ວມມືລະຫວ່າງສອງພັກໄລຍະ 2016-2021; ເພີ່ມທະວີການພົບປະ, ແລກປ່ຽນບົດຮຽນກ່ຽວກັບວຽກງານກວດກາ, ຕິດຕາມກວດກາ, ປະຕິບັດລະບຽບການຂອງພັກ; ຕ້ານ ແລະສະກັດກັ້ນການສໍ້ລາດບັງຫຼວງ ແລະວຽກງານກໍ່ສ້າງຖັນແຖວພະນັກງານ.

leftcenterrightdel
ທ່ານ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດລາວ ຕ້ອນຮັບທ່ານ ເຈິ່ນເກີ໊ມຕູ໋, ປະທານຄະນະກໍາມະການກວດກາສູນກາງພັກ. ພາບ: ສໍານັກຂ່າວສານຫວຽດນາມ.

ທ່ານ ບຸນຍັງ ວໍລະຈິດ ແລະທ່ານ ທອງລຸນ ສີສຸລິດ ຕີລາຄາສູງໝາກຜົນການຮ່ວມມືລະຫວ່າງຄະນະກໍາມະການກວດກາສູນກາງພັກກອມມູນິດຫວຽດນາມ ແລະຄະນະກວດກາສູນກາງພັກ ປະຊາຊົນ ປະຕິວັດລາວ ບົນພື້ນຖານຜັນຂະຫຍາຍບົດບັນທຶກການຮ່ວມມື ລະຫວ່າງສອງອົງການໃນໄລຍະຜ່ານມາ; ສະເໜີສອງຝ່າຍສືບຕໍ່ເພີ່ມທະວີການສົມທົບກັນ, ແບ່ງປັນບົດຮຽນເພື່ອໃຫ້ການຮ່ວມມືນັບມື້ນັບມີປະສິດທິຜົນ, ປະກອບສ່ວນປະຕິບັດໜ້າທີ່ ເຊິ່ງສອງພັກ, ສອງລັດ ແລະປະຊາຊົນສອງປະເທດມອບໝາຍໃຫ້ເປັນຢ່າງດີ.

ໂດຍ: ທູຈາງ