ຫວຽດນາມ ມອບເງິນ 10.000 ໂດລາຊ່ວຍເຫຼືອຜູ້ປະສົບໄພພິບັດຢູ່ອັດຕະປື
ໃນວັນທີ 9 ສິງຫາ 2018, ຢູ່ສະຖານເອກອັກຄະລັດຖະທູດລາວ ທີ່ນະຄອນຫລວງຮ່າໂນ້ຍ ສສ ຫວຽດນາມ, ທ່ານນາງ ຮສຈ.ປອ ເຈິ່ນທິຢາງເຮືອງ ຫົວໜ້າກົມພົວພັນຕ່າງປະເທດ, ກະຊວງສາທາລະນະສຸກຫວຽດນາມ ໄດ້ມອບເງິນຊ່ວຍເຫລືອຈຳນວນ 10.000 ໂດລາສະຫະລັດ ແກ່ທ່ານ ວຽງໄຊ ດາລາແສນ ອັກຄະລັດຖະທູດລາວ ປະຈຳ ສສ ຫວຽດນາມ ເພື່ອເປັນການປະກອບສ່ວນຊ່ວຍເຫຼືອແກ່ຜູ້ປະສົບໄພພິບັດນ້ຳຖ້ວມຢູ່ເມືອງສະໜາມໄຊ ແຂວງ ອັດຕະປື.