ປະຊາຄົມຊາວຫວຽດນາມ ອາໄສຢູ່ ແມັກຊີໂກ ບໍລິຈາກເງິນສະໜັບສະໜູນປະຊາຊົນລາວ ຖືກຜົນສະທ້ອນຈາກເຫດເຂື່ອນໄຟຟ້າແຕກ
ກປ.ອອນໄລ - ໃນວັນທີ 7 ສິງຫາ, ສະຖານທູດຫວຽດນາມ ປະຈໍາ ແມັກຊີໂກ ໄດ້ປຸກລະດົມພິທີບໍລິຈາກເງິນສະໜັບສະໜູນປະຊາຊົນລາວ ອ້າຍນ້ອງພາຍຫຼັງເຫດເຂື່ອນໄຟຟ້າເຊປຽນ-ເຊນ້ຳນ້ອຍແຕກ ຢູ່ແຂວງອັດຕະປື, ລາວ, ກໍ່ຄວາມເສຍຫາຍຢ່າງໃຫຍ່ຫຼວງກ່ຽວກັບຊີວິດອິນຊີ ແລະຊັບສິນ.
ກ່າວຄໍາເຫັນທີ່ພິທີບໍລິຈາກ, ທ່ານອຸປະທູດ ດວ່ານແອງຕ໋ວນ ໄດ້ຍົກໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ, ນໍ້າໃຈສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ; ພ້ອມທັງຮຽກຮ້ອງໃຫ້ພະນັກງານ, ພາລະກອນສະຖານທູດຫວຽດນາມ ໝົດທຸກຄົນ ແລະບັນດາອົງການຕາງໜ້າຢູ່ຂ້າງສະຖານທູດເສີມຂະຫຍາຍມູນເຊື້ອຮັກແພງ, ອຸ້ມຊູຊ່ວຍເຫຼືອກັນ, ນໍ້າໃຈສາມັກຄີອ້າຍນ້ອງບໍລິຈາກເງິນສະໜັບສະໜູນປະຊາຊົນລາວ.
|
|
ບັນດາພະນັກງານ, ພາລະກອນສະຖານທູດຫວຽດນາມ ແລະບັນດາອົງການຕາງໜ້າຫວຽດນາມ ຢູ່ຂ້າງສະຖານທູດ ປະຈໍາ ແມັກຊີໂກ ບໍລິຈາກເງິນສະໜັບສະໜູນປະຊາຊົນລາວ. ພາບ: ສໍານັກຂ່າວສານຫວຽດນາມ. |
ພະນັກງານ, ພາລະກອນສະຖານທູດຫວຽດນາມ ແລະບັນດາອົງການຕາງໜ້າຫວຽດນາມ ຢູ່ອ້ອມຂ້າງສະຖານທູດ ປະຈໍາ ແມັກຊີໂກ ບໍລິຈາກເງິນໄດ້ກວ່າ 8,3 ລ້ານດົ່ງ ແລະເງິນຈໍານວນນີ້ໄດ້ຜ່ານບັນດາອົງການກ່ຽວຂ້ອງຈະໄດ້ສົ່ງໄປເຖິງປະຊາຊົນລາວອ້າຍນ້ອງຢ່າງໄລຍະໄວທີ່ສຸດ.
ແປໂດຍ: ເກື່ອງດັ້ງ