ການຮ່ວມມືມິດຕະພາບ ຫວຽດນາມ - ລາວ
ກປ.ອອນໄລ - ໃນຕອນເຊົ້າວັນທີ 11 ກໍລະກົດ, ຢູ່ ຮ່າໂນ້ຍ, ໄດ້ດຳເນີນການເຮັດວຽກລະຫວ່າງກົມໃຫຍ່ການເມືອງຕຳຫຼວດປະຊາຊົນ (ກະຊວງຕຳຫຼວດຫວຽດນາມ) ແລະກົມໃຫຍ່ການເມືອງ (ກະຊວງປ້ອງກັນຄວາມສະຫງົບລາວ), ເນື່ອງໃນໂອກາດມາຢ້ຽມ ຢາມ ແລະເຮັດວຽກຢູ່ຫວຽດນາມ ຂອງຄະນະຜູ້ແທນກົມໃຫຍ່ການເມືອງ (ກະຊວງປ້ອງກັນຄວາມສະຫງົບລາວ), ໂດຍທ່ານພັນເອກ ສຸວັນນີ ສີສຸພາບມີໄຊ, ຮອງຫົວໜ້າກົມໃຫຍ່ການເມືອງ (ກະຊວງປ້ອງກັນຄວາມສະຫງົບລາວ), ເປັນຫົວໜ້າຄະນະ.
|
|
ບັນຍາກາດທີ່ການເຮັດວຽກລະຫວ່າງກົມໃຫຍ່ການເມືອງ, ກະຊວງປ້ອງກັນຄວາມສະຫງົບລາວ ແລະກົມໃຫຍ່ການເມືອງຕຳຫຼວດປະຊາຊົນ, ກະຊວງຕຳຫຼວດຫວຽດນາມ. ພາບ: anninhthudo.vn. |
ທີ່ການເຮັດວຽກ, ສອງຝ່າຍພ້ອມກັນຫວນຄືນສາຍພົວພັນມິດຕະພາບແບບພິເສດ, ຄວາມສະໜິດຕິດພັນສັດຊື່ບໍລິສຸດລະຫວ່າງ ຫວຽດນາມ-ລາວ. ໃນນັ້ນ, ສາຍພົວພັນຮ່ວມມືລະຫວ່າງກະຊວງຕຳຫຼວດຫວຽດນາມ ແລະກະຊວງປ້ອງກັນຄວາມສະຫງົບລາວ ສືບຕໍ່ໄດ້ຮັບການປັບປຸງ, ເປີດກວ້າງໃນທຸກດ້ານ; ໄວໜຸ່ມຕຳຫຼວດສອງປະເທດຢູ່ລຽບຕາມຊາຍແດນໄດ້ສົມທົບກັນຈັດຕັ້ງການເຄື່ອນໄຫວອາສາສະໝັກຫຼາຍຢ່າງໜູນຊ່ວຍປະຊາຊົນ, ຕໍ່ສູ້ຕ້ານ ແລະສະກັດກັ້ນອາດຊະຍາກຳຂ້າມຊາດ. ສອງຝ່າຍໄດ້ປືກສາຫາລື, ເປັນເສນາທິການ ແລະສະເໜີຫຼາຍເນື້ອໃນຮ່ວມມືຢ່າງແທດຈິງ, ມີປະສິດທິຜົນໃນວຽກງານກໍ່ສ້າງກຳລັງ, ວຽກງານມະຫາຊົນ; ເຫັນດີເປັນເອກະພາບກັນຊຸກຍູ້ການຮ່ວມມື, ໜູນຊ່ວຍຮອບດ້ານລະຫວ່າງສອງກະຊວງ ໃນໄລຍະຈະມາເຖິງ.
ແປໂດຍ: ທູຮັ່ງ