ກົມແຜນການ-ການເງິນ ກະຊວງປ້ອງກັນປະເທດລາວ ເຂົ້າຢ້ຽມຂ່ຳນັບກອງບັນຊາການທະຫານເຂດ ຕາມພິທີການທູດ
ກປ.ອອນໄລ - ຕອນບ່າຍວັນທີ 27 ມິຖຸນາ, ຢູ່ດ່ານັ້ງ, ຄະນະພະນັກງານກົມແຜນການ-ການເງິນ ກະຊວງປ້ອງກັນປະເທດລາວ, ໂດຍທ່ານພັນເອກ ສີສະຫວັນ ກົມມະເມືອງ, ຮອງຫົວໜ້າກົມແຜນການ-ການເງິນ ເປັນຫົວໜ້າຄະນະໄດ້ເຂົ້າຢ້ຽມຂໍ່ານັບກອງບັນຊາການທະຫານເຂດ 5.
|
|
ທ່ານພົນຈັດຕະວາ ຫງວຽນດີ່ງຕ໋ຽນ ມອບດອກໄມ້ໃຫ້ທ່ານພັນເອກ ສີສະຫວັນ ກົມມະເມືອງ. ພາບ: baoquankhu5.vn. |
ທີ່ການຕ້ອນຮັບ, ຕາງໜ້າຄະນະປະຈໍາຄະນະພັກ-ກອງບັນຊາການທະຫານເຂດ, ທ່ານພົນຈັດຕະວາ ຫງວຽນດີ່ງຕ໋ຽນ, ຮອງຜູ້ບັນຊາການທະຫານເຂດໄດ້ແນະນໍາບາງຈຸດຕົ້ນຕໍກ່ຽວກັບເງື່ອນໄຂທຳມະຊາດ, ປະຫວັດສາດ, ມູນເຊື້ອ, ວັດທະນະທໍາຂອງກອງທັບ ແລະປະຊາຊົນທະຫານເຂດ 5; ບັນດາຜົນງານໃນສາຍພົວພັນການຮ່ວມມືລະຫວ່າງສອງປະເທດຫວຽດນາມ ແລະລາວ; ພິເສດແມ່ນລະຫວ່າງທະຫານເຂດ 5 (ກອງທັບປະຊາຊົນຫວຽດນາມ) ກັບກອງພົນ 5 ແລະ 4 ແຂວງພາກໃຕ້ລາວໃນໄລຍະຜ່ານມາ.
ທ່ານພົນຈັດຕະວາ ຫງວຽນດີ່ງຕ໋ຽນ ຫວັງວ່າຜ່ານການພົບປະ ແລະບັນດາການເຄື່ອນໄຫວຂອງຄະນະຢູ່ທະຫານເຂດ 5 ຈະປະກອບສ່ວນເພີ່ມທະວີສາຍພົວພັນອັນດີງາມລະຫວ່າງສອງປະເທດຫວຽດນາມ-ລາວ ເວົ້າລວມ ແລະກອງທັບສອງປະເທດເວົ້າສະເພາະ.
|
|
ບັນຍາກາດທີ່ການເຮັດວຽກ. ພາບ: baoquankhu5.vn. |
ຕາງໜ້າຄະນະ, ທ່ານພັນເອກ ສີສະຫວັນ ກົມມະເມືອງ ສະແດງຄວາມປິຕິຊົມຊື່ນ, ຂອບໃຈຕໍ່ການຕ້ອນຮັບຢ່າງຮອບຄອບອົບອຸ່ນຂອງຄະນະປະຈໍາຄະນະພັກ-ກອງບັນຊາການທະຫານເຂດ 5; ການຊ່ວຍເຫຼືອຢ່າງຈິງໃຈ, ມີປະສິດທິຜົນຂອງກໍາລັງປະກອບອາວຸດທະຫານເຂດ 5 ສະຫງວນໃຫ້ກອງທັບ ແລະປະຊາຊົນລາວ, ພິເສດແມ່ນການຊ່ວຍເຫຼືອກອງພົນ 5 ແລະ 4 ແຂວງພາກໃຕ້ລາວ. ເຊື່ອໝັ້ນວ່າ, ນໍ້າໃຈສະໜິດຕິດພັນຢ່າງເລິກເຊິ່ງລະຫວ່າງສອງພັກ, ສອງລັດ, ປະຊາຊົນ ແລະກອງທັບສອງປະເທດນັບມື້ນັບໝັ້ນແກ່ນ.
ແປໂດຍ: ກວຽດເຕິມ