ແຂວງ ເຊີນລາ (ຫວຽດນາມ) ແລະແຂວງ ໄຊສົມບູນ (ລາວ) ເພີ່ມທະວີການຮ່ວມມື
ກປ.ອອນໄລ - ໃນລະຫວ່າງວັນທີ 10-11 ມິຖຸນາ, ຄະນະຜູ້ແທນຂັ້ນສູງແຂວງ ໄຊສົມບູນ, ສປປ ລາວ ໂດຍທ່ານ ທອງລອຍ ສີລິວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆ ໄຊສົມບູນ ເປັນຫົວໜ້າຄະນະໄດ້ມາຢ້ຽມຢາມ ແລະເຮັດວຽກຢູ່ແຂວງ ເຊີນລາ.
ໃນຂອບເຂດການຢ້ຽມຢາມ, ຕອນບ່າຍວັນທີ 11 ມິຖຸນາ, ທີ່ຫໍປະຊຸມໃຫຍ່ແຂວງ ເຊີນລາ, ການນໍາສອງແຂວງ ເຊີນລາ ແລະໄຊສົມບູນ ໄດ້ດໍາເນີນການພົບປະເຈລະຈາ. ທີ່ການພົບປະເຈລະຈາ, ທ່ານ ຮວ່າງວັນເຈິດ, ເລຂາພັກແຂວງ ເຊີນລາ ຕີລາຄາສູງການຢ້ຽມຢາມຂອງຄະນະຜູ້ແທນຂັ້ນສູງແຂວງ ໄຊສົມບູນ, ທ່ານເລຂາພັກແຂວງ ເຊີນລາ ຖືວ່າ, ນີ້ແມ່ນໂອກາດເພື່ອໃຫ້ສອງຝ່າຍເພີ່ມທະວີຄວາມເຂົ້າໃຈເຊິ່ງກັນ ແລະກັນ, ພ້ອມທັງເນັ້ນໜັກເຖິງເລື່ອງເສີມຂະຫຍາຍມູນເຊື້ອຄວາມສາມັກຄີມິດຕະພາບແບບພິເສດຫວຽດນາມ-ລາວ, ໃນຊຸມປີຜ່ານມາ, ແຂວງ ເຊີນລາ ຍາມໃດກໍ່ເອົາໃຈໃສ່ ແລະປະຕິບັດວຽກງານໜູນຊ່ວຍບັນດາແຂວງພາກເໜືອຂອງລາວ, ໃນນັ້ນມີແຂວງ ໄຊສົມບູນ ເປັນຢ່າງດີ.
|
|
ບັນຍາກາດທີ່ການພົບປະເຈລະຈາລະຫວ່າງການນໍາສອງແຂວງ. ພາບ: ສໍານັກຂ່າວສານຫວຽດ ນາມ. |
ຂອບໃຈຕໍ່ການຕ້ອນຮັບອັນອົບອຸ່ນຂອງການນໍາແຂວງ ເຊີນລາ, ທ່ານ ທອງລອຍ ສີລິວົງ, ເລຂາພັກແຂວງ, ເຈົ້າແຂວງໆ ໄຊສົມບູນ ຊີ້ແຈ້ງວ່າ: ເຖິງວ່າແຂວງ ໄຊສົມບູນ ບໍ່ມີເສັ້ນຊາຍແດນຕິດກັບຫວຽດນາມ ກໍ່ຕາມ, ແຕ່ກໍ່ມີຫຼາຍຈຸດທີ່ຄ້າຍຄືກັນກັບແຂວງ ເຊີນລາ. ເຊິ່ງແມ່ນແຂວງພູດອຍ, ເສດຖະກິດຕົ້ນຕໍແມ່ນອີງໃສ່ໂຮງງານໄຟຟ້ານໍ້າຕົກ ແລະກະສິກໍາ, ສະນັັ້ນ, ປາດຖະໜາວ່າໃນໄລຍະຈະມາເຖິງສອງແຂວງຈະເພີ່ມທະວີການແລກປ່ຽນບົດຮຽນ, ການຮ່ວມມື ແລະຊ່ວຍເຫຼືອກັນໃນຂົງເຂດນີ້.
|
|
ຜູ້ຕາງໜ້າສອງແຂວງ ເຊີນລາ ແລະໄຊສົມບູນ ລົງນາມໃນບົດບັນທຶກຊ່ວຍຈໍາການຮ່ວມມືໄລຍະ 2018-2020. ພາບ: ສໍານັກຂ່າວສານຫວຽດນາມ. |
ສິ້ນສຸດການພົບປະເຈລະຈາ, ສອງແຂວງ ເຊີນລາ ແລະໄຊສົມບູນ ໄດ້ລົງນາມໃນບົດບັນທຶກຊ່ວຍຈໍາການຮ່ວມມືໄລຍະ 2018-2020. ຕາມນັ້ນແລ້ວ, ແຂວງ ເຊີນລາ ຈະໜູນຊ່ວຍແຂວງ ໄຊສົມບູນ ມູນຄ່າ 5 ຕື້ດົ່ງເພື່ອລົງທຶນກໍ່ສ້າງກິດຈະກໍາທີ່ຈໍາເປັນ; ຊ່ວຍກໍ່ສ້າງແຫຼ່ງຊັບພະຍາກອນມະນຸດ...
ແປໂດຍ: ຮວ່າງເຈື່ອງ