ກ່ຽວກັບວຽກງານຊາວໜຸ່ມ-ເຍົາວະຊົນ, ໄວໜຸ່ມສອງແຂວງໄດ້ເຫັນດີເປັນເອກະພາບເພີ່ມທະວີການໂຄສະນາ, ສຶກສາອົບຮົມມູນເຊື້ອປະຕິວັດໃຫ້ແກ່ຊາວໜຸ່ມສອງແຂວງ ກ່ຽວກັບນໍ້າໃຈມິດຕະພາບອັນດີງາມທີ່ມີມາແຕ່ດົນນານລະຫວ່າງ ຫວຽດນາມ-ລາວ, ລາວ-ຫວຽດນາມ; ສຶກສາອົບຮົບໃຫ້ແກ່ຊາວໜຸ່ມສອງແຂວງກ່ຽວກັບນໍ້າໃຈສາມັກຄີ, ກໍ່ສ້າງ, ຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມຂອງສອງປະເທດ.  ຄະນະຊາວໜຸ່ມສອງແຂວງ ໄດ້ຈັດຕັ້ງໃຫ້ຊາວໜຸ່ມແລກປ່ຽນ, ຖອດຖອນບົດຮຽນ ແລະຮ່ວມມືພັດທະນາບັນດາຮູບແບບເສດຖະກິດ; ແລກປ່ຽນ, ແບ່ງປັນບົດຮຽນ, ໜູນຊ່ວຍຊາວໜຸ່ມເລີ່ມທຸລະກິດ.

leftcenterrightdel
ຄະນະຊາວໜຸ່ມແຂວງ ດັກລັກ (ຫວຽດນາມ) ລົງນາມກັບຄະນະຊາວໜຸ່ມແຂວງ ຈໍາປາສັກ (ລາວ). ພາບ: ສໍານັກຂ່າວສານຫວຽດນາມ.

ກ່ຽວກັບວຽກງານຂອງນັກທຸລະກິດໜຸ່ມ, ສອງຝ່າຍເຫັນດີເປັນເອກະພາບສົມທົບກັນຈັດຕັ້ງການເຄື່ອນໄຫວຊຸກຍູ້ການຄ້າໃຫ້ແກ່ວິສາຫະກິດ ແມ່ນສະມາຊິກຂອງສາມາຄົມນັກທຸລະກິດໜຸ່ມຂອງສອງແຂວງ; ໂຄສະນາບັນດາເຫດການສົ່ງເສີມການຄ້າ, ງານຕະຫຼາດນັດ, ກອງປະຊຸມສໍາມະນາ; ສະໜັບສະໜູນການໂຄສະນາບັນດາຜະລິດຕະພັນ, ການບໍລິການ...

ຢູ່ແຂວງ ດັກລັກ, ການນໍາສອງແຂວງໄດ້ລົງນາມໃນບົດບັນທຶກຊ່ວຍຈໍາ. ຕາມນັ້ນແລ້ວ, ການເຄື່ອນໄຫວລົງນາມຮ່ວມມືຂອງໄວໜຸ່ມແຂວງ ດັກລັກ ແລະແຂວງ ຈໍາປາສັກ ມີຄວາມໝາຍສໍາຄັນເພື່ອແນໃສ່ຮັດແໜ້ນນໍ້າໃຈມິດຕະພາບກວ່າອີກ, ເສີມຂະຫຍາຍບົດບາດຂອງໄວໜຸ່ມສອງແຂວງໃນການສ້າງສາ ແລະພັດທະນາປະເທດຊາດ, ເພີ່ມທະວີສາຍພົວພັນສາມັກຄີລະຫວ່າງປະຊາຊົນສອງປະເທດ.

 

ແປໂດຍ: ທູຈາງ