ຊຸກຍູ້ການຮ່ວມມືລະຫວ່າງ ຫວຽດນາມ ແລະລາວໃນຂົງເຂດສະສົມແຫ່ງລັດ
ກປ.ອອນໄລ - ໃນລະຫວ່າງວັນທີ 22 – 28 ເມສາ, ຄະນະປະຕິບັດງານຂອງກົມໃຫຍ່ສະສົມແຫ່ງລັດ ຫວຽດນາມ ໂດຍທ່ານ ເລວັນເທີຍ, ຮອງຫົວໜ້າກົມໃຫຍ່ສະສົມແຫ່ງລັດ - ກະຊວງການເງິນ ຫວຽດນາມ, ເປັນຫົວໜ້າຄະນະເຮັດວຽກກັບກົມສະສົມແຫ່ງລັດ-ກະຊວງການເງິນ ລາວ.
ໃນໄລຍະປະຕິບັດງານ, ຄະນະໄດ້ແລກປ່ຽນ, ໃຫ້ຄໍາປຶກສາຊ່ວຍກົມສະສົມແຫ່ງລັດລາວ ສ້າງເນື້ອໃນຮ່າງມະຕິກ່ຽວກັບການຄຸ້ມຄອງເຄື່ອງສະສົມແຫ່ງລັດ.
    |
 |
|
ພິທີລົງນາມໃນບົດບັນທຶກການເຮັດວຽກຕາມລາຍການຮ່ວມມືລະຫວ່າງກົມໃຫຍ່ສະສົມແຫ່ງລັດ ຫວຽດນາມ ແລະກົມສະສົມແຫ່ງລັດ ລາວ. ພາບ: ຮົ່ງເຊີມ. |
ໃນການເຮັດວຽກ, ສອງຝ່າຍໄດ້ເຫັນດີເປັນເອກະສັນວ່າຈະສືບຕໍ່ເສີມຂະຫຍາຍ, ຮັກສາວິທີການແລກປ່ຽນ, ສົມທົບວຽກງານ. ພິເສດ, ໃນການປະຕິບັດງານ ທ່ານນາງ ທິບພະກອນ ຈັນທະວົງສາ, ຮອງລັດຖະມົນຕີກະຊວງການເງິນ ລາວ ໄດ້ຕ້ອນຮັບຄະນະຢ່າງສະໜິດສະໜົມ ແລະຕີລາຄາສູງບັນດາໝາກຜົນທີ່ດີງາມເຊິ່ງຄະນະປະຕິບັດງານຂອງກົມໃຫຍ່ສະສົມແຫ່ງລັດ ຫວຽດນາມ ບັນລຸໄດ້ໃນໄລຍະເຮັດວຽກຢູ່ ລາວ. ແລະກໍ່ໃນການປະຕິບັດງານ, ຄະນະໄດ້ຊ່ວຍກົມສະສົມແຫ່ງລັດລາວ ຜັນຂະຫຍາຍການປະຕິບັດການຮັກສາເຂົ້າສານ 1.000 ໂຕນ ຢູ່ເມືອງ ນາໄຊທອງ, ນະຄອນຫຼວງ ວຽງຈັນ.
ແປໂດຍ: ເກື່ອງດັ້ງ