ຕາງໜ້າການນໍາກະຊວງປ້ອງກັນປະເທດ, ກົມໃຫຍ່ເສນາທິການກອງທັບປະຊາຊົນຫວຽດນາມ, ທ່ານພົນໂທ ຫງວຽນເຟືອງນາມ ໄດ້ອວຍພອນພະນັກງານ, ພາລະກອນສະຖານທູດລາວ ປະຈໍາ ຫວຽດນາມ ແລະສົ່ງຄໍາອວຍພອນປີໃໝ່ເຖິງບັນດາສະຫາຍການນໍາກອງທັບປະຊາຊົນລາວ ເນື່ອງໃນໂອກາດບຸນປີໃໝ່ປະຈໍາຊາດ. ທ່ານພົນໂທ ຫງວຽນເຟືອງນາມ ເນັ້ນໜັກວ່າ, ໃນປີ 2017, ສາຍພົວພັນ ຫວຽດນາມ-ລາວ ສືບຕໍ່ພັດທະນາຢ່າງຕັ້ງໜ້າຕາມທິດລວງເລິກ, ມີປະສິດທິຜົນ, ແທດຈິງ, ໃນນັ້ນ, ການຮ່ວມມືດ້ານປ້ອງກັນຊາດໄດ້ເສີມຂະຫຍາຍຢ່າງມີປະສິດທິຜົນ, ສົມເປັນໜຶ່ງໃນບັນດາເສົາຄໍ້າຂອງສາຍພົວພັນສອງປະເທດ.

leftcenterrightdel
ທ່ານພົນໂທ ຫງວຽນເຟືອງນາມ ມອບຂອງຂວັນອວຍພອນພະນັກງານ, ພາລະກອນສະຖານທູດ ລາວ ປະຈໍາ ຫວຽດນາມ. ພາບ: ຮວ່າງຫວູ

ດ້ວຍພື້ນຖານຮ່ວມມືໃນປີ 2017 ແລະບັນຍາກາດຂອງປີໃໝ່, ທ່ານພົນໂທ ຫງວຽນເຟືອງນາມ ໄດ້ສະແດງຄວາມເຊື່ອໝັ້ນວ່າໃນປີ 2018: ກອງທັບສອງປະເທດຈະສືບຕໍ່ສົມທົບກັນຢ່າງແໜ້ນແຟ້ນເພື່ອໃຫ້ການຮ່ວມມືດ້ານປ້ອງກັນຊາດສອງຝ່າຍບັນລຸໄດ້ໝາກຜົນ, ຜົນງານຫຼາຍຢ່າງກວ່າອີກ, ສືບຕໍ່ຢືນຢັນວ່ານີ້ແມ່ນໜຶ່ງໃນບັນດາເສົາຄໍ້າຂອງສາຍພົວພັນ ຫວຽດນາມ-ລາວ.

leftcenterrightdel
ຄະນະຜູ້ແທນກະຊວງປ້ອງກັນປະເທດຫວຽດນາມ ຖ່າຍຮູບກັບບັນດາພະນັກງານ, ພາລະກອນສະຖານທູດລາວ ປະຈໍາ ຫວຽດນາມ. ພາບ: ຮວ່າງຫວູ.

ສ່ວນທ່ານ ທອງສະຫວັນ ພົມວິຫານ ເອກອັກຄະລັດຖະທູດລາວ ປະຈໍາ ຫວຽດນາມ ຂອບໃຈຄໍາອວຍພອນອັນດີງາມຂອງຄະນະຜູ້ແທນກະຊວງປ້ອງກັນປະເທດຫວຽດນາມ. ທ່ານຮັບຮູ້ການຮ່ວມມືອັນດີງາມລະຫວ່າງສອງປະເທດເວົ້າລວມ ແລະກອງທັບສອງປະເທດເວົ້າສະເພາະໃນໄລຍະຜ່ານມາ. ທ່ານ ທອງສະຫວັນ ພົມວິຫານ ສະແດງຄວາມປິຕິຊົມຊື່ນ ແລະຕີລາຄາສູງບັນດາໝາກຜົນເຊິ່ງ ຫວຽດນາມ ບັນລຸໄດ້ໃນບັນດາຂົງເຂດການເມືອງ, ເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບໃນປີ 2017. ທ່ານ ທອງສະຫວັນ ພົມວິຫານ ໃຫ້ຮູ້ວ່າ, ເຖິງວ່າໃນປີ 2017 ຕ້ອງປະເຊີນໜ້າກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ວ່າປະເທດລາວ ຍັງບັນລຸໄດ້ຜົນງານຫຼາຍຢ່າງທີ່ພົ້ນເດັ່ນໃນທຸກດ້ານ. ປະກອບສ່ວນໃຫ້ບັນດາໝາກຜົນນີ້ຍັງມີການຊ່ວຍເຫຼືອທີ່ສຸດອົກສຸດໃຈ ແລະມີປະສິດທິຜົນຈາກຫວຽດນາມ. ທ່ານ ທອງສະຫວັນ ພົມວິຫານ ຢືນຢັນວ່າໃນຖານະຕຳແໜ່ງຂອງຕົນຈະມານະພະຍາຍາມຈົນສຸດຄວາມສາມາດເພື່ອປະກອບສ່ວນຊຸກຍູ້ການພົວພັນລະຫວ່າງສອງພັກ, ລັດ, ກອງທັບ ແລະປະຊາຊົນສອງປະເທດ ລາວ-ຫວຽດນາມ.

 

ແປໂດຍ: ເກື່ອງດັ້ງ