ຄະນະຜູ້ແທນສະຫະພັນແມ່ຍິງ ສປປ ລາວ ຢ້ຽມຢາມປ້ອມປ້ອງກັນຊາຍແດນດ່ານຊາຍແດນສາກົນ ເບີອີ
ກປ.ອອນໄລ - ໃນຂອບເຂດການຢ້ຽມຢາມ ແລະເຮັດວຽກຢູ່ບັນດາແຂວງພາກກາງ-ໄຕງວຽນ, ວັນທີ 7 ເມສາ, ຄະນະຜູ້ແທນສະຫະພັນແມ່ຍິງ ແຫ່ງ ສປປ ລາວ ໂດຍທ່ານນາງ ອິນລະວັນ ແກ້ວບຸນພັນ, ກໍາມະການສູນກາງພັກປະຊາຊົນ ປະຕິວັດ ລາວ, ປະທານສະຫະພັນແມ່ຍິງ ລາວ ເປັນຫົວໜ້າຄະນະ ໄດ້ມາຢ້ຽມຢາມ ແລະເຮັດວຽກກັບປ້ອມປ້ອງກັນຊາຍແດນດ່ານຊາຍແດນສາກົນ ເບີອີ, ກອງບັນຊາການທະຫານປ້ອງກັນຊາຍແດນແຂວງ ກອນຕຸມ.
ເຂົ້າຮ່ວມນໍາຄະນະມີທ່ານນາງ ບຸ່ຍທິຮວ່າ ຮອງປະທານສູນກາງສະຫະພັນແມ່ຍິງຫວຽດນາມ ແລະການນໍາສະຫະພັນແມ່ຍິງແຂວງ ກອນຕຸມ.
ທີ່ການຕ້ອນຮັບ, ທ່ານຫົວໜ້າປ້ອມປ້ອງກັນຊາຍແດນດ່ານຊາຍແດນສາກົນ ເບີອີ ໄດ້ແບ່ງປັນກ່ຽວກັບໝາກຜົນແຫ່ງການປະຕິບັດໜ້າທີ່ວຽກງານຊາຍແດນຂອງກົມກອງ.
|
|
ຄະນະປະຕິບັດງານມອບລາງວັນທຶນການສຶກສາໃຫ້ພວກນ້ອງນັກຮຽນຢູ່ຕາແສງ ເບີອີ. ພາບ: ວັນຫຼີ໋. |
ເນື່ອງໃນໂອກາດນີ້, ຄະນະປະຕິບັດງານໄດ້ມອບຂອງຂວັນໃຫ້ປ້ອມປ້ອງກັນຊາຍແດນດ່ານຊາຍແດນສາກົນ ເບີອີ; ມອບລາງວັນທຶນການສຶກສາຈໍານວນ 30 ທຶນໃຫ້ແກ່ນັກຮຽນທຸກຍາກຂອງຕາແສງ ເບີອີ, ເມືອງ ງອັກໂຮ່ຍ, ແຕ່ລະທຶນມີມູນຄ່າ 1 ລ້ານດົ່ງ, ມອບເຮືອນແຫ່ງສາຍຈິດມິດໃຈໃຫ້ແກ່ຄອບຄົວເອື້ອຍ Y Dil ຢູ່ຕາແສງ ເຣີເຄີຍ, ເມືອງ ຊາໄຖ່, ມີມູນຄ່າ 50 ລ້ານດົ່ງ.
ນອກຈາກນີ້, ຄະນະປະຕິບັດງານຍັງໄດ້ໄປຢ້ຽມຢາມຫຼັກໝາຍຊາຍແດນຢູ່ສາມແຍກຊາຍແດນຫວຽດນາມ-ລາວ-ກໍາປູເຈຍ ແລະສິ້ນສຸດການຢ້ຽມຢາມຢູ່ບັນດາແຂວງພາກກາງ-ໄຕງວຽນ ຢ່າງຈົບງາມ.
ແປໂດຍ: ຮວ່າງເຈື່ອງ