ການນໍານະຄອນ ໂຮ່ຈິມິນ ອວຍພອນບຸນປີໃໝ່ປະຈໍາຊາດຂອງລາວ
ກປ.ອອນໄລ - ເນື່ອງໃນໂອກາດບຸນປີໃໝ່ປະຈໍາຊາດ ຂອງສາທາລະນະລັດ ປະຊາທິປະໄຕ ປະຊາຊົນລາວ, ວັນທີ 6 ເມສາ, ຄະນະຜູ້ແທນນະຄອນ ໂຮ່ຈິມິນ ໂດຍທ່ານ ເຕີດແທ່ງກາງ, ຮອງເລຂາຜູ້ປະຈໍາການຄະນະພັກນະຄອນໂຮ່ຈິມິນ ນໍາໜ້າ ໄດ້ມາອວຍພອນພະນັກງານ, ພາລະກອນ ສະຖານກົງສູນໃຫຍ່ລາວ ປະຈໍາ ນະຄອນ ໂຮ່ຈິມິນ.
ທ່ານ ເຕີດແທ່ງກາງ ອວຍພອນພະນັກງານ, ພາລະກອນສະຖານກົງສູນໃຫຍ່ພ້ອມດ້ວຍປະຊາຊົນລາວທັງໝົດ ເນື່ອງໃນໂອກາດບຸນປີໃໝ່ປະຈໍາຊາດ, ອວຍພອນບັນດາໝາກຜົນ ເຊິ່ງປະຊາຊົນລາວບັນລຸໄດ້ໃນພາລະກິດສ້າງສາ ແລະພັດທະນາປະເທດຊາດ.
|
|
ການນໍານະຄອນ ໂຮ່ຈິມິນ ແລະສະຖານກົງສູນໃຫຍ່ລາວ ເຂົ້າຮ່ວມພິທີ “ບາສີສູ່ຂວັນ” ຕາມປະເພນີຂອງລາວ. ພາບ: ມິງຫງວຽນ |
ທ່ານ ເຕີດແທ່ງກາງ ຢັ້ງຢືນວ່ານະຄອນ ໂຮ່ຈິມິນ ຍາມໃດກໍ່ສະຫງວນຄວາມເອົາໃຈໃສ່ພິເສດເພື່ອພັດທະນາສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ແລະນໍ້າໃຈສາມັກຄີແບບພິເສດຕໍ່ປະເທດລາວ. ໃນໄລຍະຜ່ານມາ, ນະຄອນໂຮ່ຈິມິນ ໄດ້ຮ່ວມມືຢ່າງຕັ້ງໜ້າ, ມີປະສິດທິຜົນກັບບັນດາທ້ອງຖິ່ນຂອງລາວ, ປະກອບສ່ວນຮັດແໜ້ນສາຍພົວພັນ ມິດຕະພາບແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ.
ແປໂດຍ: ທູຈາງ