ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ແລະ 40 ປີແຫ່ງວັນເຊັນສົນທິສັນຍາມິດຕະພາບ, ຮ່ວມມືຫວຽດນາມ-ລາວ, ທ່ານປະທານປະເທດຫວຽດນາມ ເຈີ່ນດ້າຍກວາງ ໄດ້ຕົກລົງປະດັບຫຼຽນໄຊເອກະລາດຊັ້ນ III, ຫຼຽນໄຊມິດຕະພາບ, ຫຼຽນກາມິດຕະພາບໃຫ້ພະນັກງານຂອງຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ 17 ຄົນຍ້ອນມີຜົນງານປະກອບສ່ວນກໍ່ສ້າງ ແລະເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ. ກໍ່ໃນໂອກາດນີ້, ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ໄດ້ຕົກລົງມອບຫຼຽນກາລະນຶກ “ເພື່ອພາລະກິດພົວພັນຕ່າງປະເທດພັກ” ໃຫ້ພະນັກງານຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ 7 ຄົນ.

leftcenterrightdel
ທ່ານ ຮວ່າງບີ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ປະດັບຫຼຽນໄຊເອກະລາດຊັ້ນ III ໃຫ້ທ່ານ ສົມດີ ບຸນຄຸ້ມ, ຮອງຫົວໜ້າຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດ ລາວ. ພາບ: ສໍານັກຂ່າວສານຫວຽດນາມ

ຕອນບ່າຍວັນທີ 4 ກຸມພາ, ຢູ່ນະຄອນຫຼວງ ວຽງຈັນ, ໂດຍໄດ້ຮັບມອບສິດຂອງທ່ານປະທານປະເທດຫວຽດນາມ ເຈີ່ນດ້າຍກວາງ, ທ່ານ ຮວ່າງບີ່ງກວນ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ປະດັບຫຼຽນໄຊເອກະລາດຊັ້ນ III ໃຫ້ທ່ານ ສົມດີ ບຸນຄຸ້ມ, ຮອງຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ; ຫຼຽນໄຊມິດຕະພາບ, ຫຼຽນກາມິດຕະພາບໃຫ້ບັນດາພະນັກງານຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ.

leftcenterrightdel
ທ່ານ ຮວ່າງບີ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກ ຖ່າຍຮູບທີ່ລະນຶກກັບບັນດາພະນັກງານຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ ໄດ້ປະດັບຫຼຽນກາລະນຶກ. ພາບ: ສໍານັກຂ່າວສານຫວຽດນາມ

ກ່າວຄໍາເຫັນທີ່ພິທີ, ທ່ານ ສົມດີ ບຸນຄຸ້ມ ຕາງໜ້າບັນດາທ່ານໄດ້ຮັບຫຼຽນໄຊ, ຫຼຽນກາ ແລະຫຼຽນກາລະນຶກສະແດງຄວາມຂອບອົກຂອບໃຈພັກ, ລັດຫວຽດນາມ ຢ່າງເລິກເຊິ່ງໄດ້ຕົກລົງປະດັບຫຼຽນໄຊ, ຫຼຽນກາໃຫ້ບັນດາພະນັກງານຂອງຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ; ຢັ້ງຢືນວ່າ ຈະເຮັດຈົນສຸດຄວາມສາມາດຂອງຕົນ ເພື່ອຮັກສາ, ປົກປັກຮັກສາ ແລະເພີ່ມພູນຄູນສ້າງໃຫ້ສາຍພົວພັນມິດຕະພາບທີ່ຍິ່ງໃຫຍ່, ນ້ຳໃຈສາມັກຄີແບບພິເສດ ແລະການຮ່ວມມືຮອບດ້ານລາວ-ຫວຽດນາມ ຂຽວສົດງົດງາມ, ໝັ້ນຄົງຂະໜົງແກ່ນຈົນຊົ່ວກາລະນານ.

 

ແປໂດຍ: ຫງວຽນກຸກ