ຊຸກຍູ້ການຮ່ວມມືລະຫວ່າງຫ້ອງວ່າການລັດຖະບານຫວຽດນາມ ແລະຫ້ອງວ່າການລັດຖະບານລາວ
ກປ.ອອນໄລ - ຕອນເຊົ້າວັນທີ 4 ກຸມພາ, ໃນຂອບເຂດການໄປເຂົ້າຮ່ວມກອງປະຊຸມຄະນະກໍາມະການລະຫວ່າງລັດຖະບານຫວຽດນາມ-ລາວ ຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ; ທ່ານ ມາຍຕ໋ຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ໄດ້ມີການເຮັດວຽກກັບທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີລາວ.
ທີ່ການເຮັດວຽກ, ທ່ານ ມາຍຕ໋ຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ໄດ້ແຈ້ງໃຫ້ຊາບບາງຈຸດໃຫຍ່ກ່ຽວກັບສະພາບເສດຖະກິດ-ສັງຄົມຂອງຫວຽດນາມ, ທ່ານກໍ່ສະແດງຄວາມປິຕິຊົມຊື່ນຕໍ່ບັນດາຜົນງານແຫ່ງການພັດທະນາເສດຖະກິດ-ສັງຄົມຂອງລາວ ໃນປີ 2017, ພ້ອມທັງຖືວ່າ ໝາກຜົນຢ່າງຕັ້ງໜ້າທີ່ບັນລຸໄດ້ແມ່ນຍ້ອນມີຄວາມເອົາໃຈໃສ່, ຊີ້ນໍາຢ່າງຂ້ຽວຂາດຂອງນາຍົກລັດຖະມົນຕີສອງທ່ານ, ໃນນັ້ນມີການປະກອບສ່ວນຂອງຫ້ອງວ່າການລັດຖະບານແຕ່ລະປະເທດໃນວຽກງານເປັນເສນາທິການສັງລວມ. ທ່ານ ມາຍຕ໋ຽນຢຸງ ຖືວ່າ, ໃນປີ 2017, ສອງຫ້ອງວ່າການລັດຖະບານຫວຽດນາມ ແລະ ລາວ ໄດ້ສືບຕໍ່ເສີມຂະຫຍາຍສາຍພົວພັນທີ່ໃກ້ຊິດສະໜິດສະໜົມ, ປະກອບສ່ວນຊຸກຍູ້ສາຍພົວພັນຮ່ວມມືລວມລະຫວ່າງສອງປະເທດ.
    |
 |
|
ທ່ານ ມາຍຕ໋ຽນຢຸງ ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ມອບຂອງຂວັນທີ່ລະນຶກໃຫ້ທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີລາວ. ພາບ: Chinhphu.vn |
ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ມາຍຕ໋ຽນຢຸງ ສະເໜີໃນໄລຍະຈະມາເຖິງສອງຝ່າຍຍູ້ແຮງການຜັນຂະຫຍາຍບັນດາເນື້ອໃນຮ່ວມມືກວ່າອີກເຊິ່ງສອງຝ່າຍໄດ້ລົງນາມໃນບົດບັນທຶກຊ່ວຍຈໍາຄືຈັດຕັ້ງບັນດາຄະນະພະນັກງານ, ນັກວິຊາການມາແລກປ່ຽນ, ຖອດຖອນບົດ ຮຽນເຊິ່ງກັນ ແລະກັນ; ພິຈາລະນາຈັດຕັ້ງກອງປະຊຸມສໍາມະນາລວມໃນປີ 2018 ໃນເວລາ, ສະຖານທີ່ທີ່ເໝາະສົມ; ຍົກສູງບົດບາດຂອງສອງຫ້ອງວ່າການລັດຖະບານໃນການຮ່ວມມືລວມຂອງສອງປະເທດ...
ຕີລາຄາສູງຄໍາຄິດເຫັນຂອງທ່ານລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ມາຍຕ໋ຽນຢຸງ, ທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີລາວ ເຫັນດີເປັນເອກະພາບໂດຍຖືວ່າ, ການພົວພັນຮ່ວມມືຂອງສອງຫ້ອງວ່າການລັດຖະບານໃນໄລຍະຜ່ານມາໄດ້ເພີ່ມທະວີຢ່າງບໍ່ຢຸດຢັ້ງ ແລະປາດຖະໜາວ່າ, ສອງຝ່າຍສືບຕໍ່ຊຸກຍູ້ການຮ່ວມມືໃນໄລຍະຈະມາເຖິງ, ປະກອບສ່ວນເຂົ້າໃນການປະຕິບັດສໍາເລັດໜ້າທີ່ທີ່ໄດ້ຮັບການມອບໝາຍ.
ແປໂດຍ: ຫງວຽນກຸກ