ການນຳແຂວງ ບໍລິຄຳໄຊ, ກອງບັນຊາການປ້ອງກັນຄວາມສະຫງົບແຂວງ ຄຳມ່ວນ ອວຍພອນປີໃໝ່ທະຫານປ້ອງກັນຊາຍແດນ ຮ່າຕິ້ງ, ກວາງບິ່ງ
ກປ.ອອນໄລ - ເນື່ອງໃນໂອກາດບຸນປີໃໝ່ປະຈໍາຊາດຫວຽດນາມ, ຕອນເຊົ້າວັນທີ 2 ກຸມພາ, ຄະນະຜູ້ແທນແຂວງ ບໍລິຄຳໄຊ, ສປປ ລາວ ໂດຍທ່ານ ສຸວັນນີ ໄຊຊະນະ, ຮອງເລຂາພັກແຂວງ ເປັນຫົວໜ້າຄະນະໄດ້ໄປຢ້ຽມຢາມ ແລະອວຍພອນປີໃໝ່ ທະຫານປ້ອງກັນຊາຍແດນ ຮ່າຕິ້ງ...
ໃນວັນດຽວກັນ, ຄະນະຜູ້ແທນກອງບັນຊາການປ້ອງກັນຄວາມສະຫງົບແຂວງ ຄຳມ່ວນ ໂດຍທ່ານພັນເອກ ແກ້ວດາວົງ ໄຊຍາແສງ, ຫົວໜ້າກອງບັນຊາການປ້ອງກັນຄວາມສະຫງົບແຂວງ ຄຳມ່ວນ ເປັນຫົວໜ້າຄະນະໄດ້ໄປຢ້ຽມຢາມ, ອວຍພອນປີໃໝ່ທະຫານປ້ອງກັນຊາຍແດນ ກວາງບິ່ງ.
ຕາງໜ້າກອງບັນຊາການທະຫານປ້ອງກັນຊາຍແດນ ຮ່າຕິ້ງ, ທ່ານພັນເອກ ຫວໍຕ໋ຽນຫງີ້, ຮອງຫົວໜ້າກອງບັນຊາການ, ຫົວໜ້າເສນາທິການ, ໄດ້ແຈ້ງໃຫ້ຄະນະຜູ້ແທນແຂວງ ບໍລິຄຳໄຊ ແລະທ່ານ ສຸວັນນີ ໄຊຊະນະ ຮັບຊາບກ່ຽວກັບໝາກຜົນທີ່ບັນລຸໄດ້ໃນວຽກງານສົມທົບກັນລະຫວ່າງທະຫານປ້ອງກັນຊາຍແດນ ຮ່າຕິ້ງ ກັບກຳລັງຕຳຫຼວດ, ທະຫານແຂວງ ບໍລິຄຳໄຊ ໃນການປະຕິບັດໜ້າທີ່ຄຸ້ມຄອງ, ປ້ອງກັນຊາຍແດນ, ຕໍ່ຕ້ານ ແລະສະກັດກັ້ນອາດຊະຍາກຳ, ຊ່ວຍເຫຼືອປະຊາຊົນລາວ ພັດທະນາເສດຖະກິດ, ສົ່ງເສີມສຸຂະພາບ...
|
|
ທ່ານ ສຸວັນນີ ໄຊຊະນະ ມອບຂອງຂວັນໃຫ້ແກ່ທະຫານປ້ອງກັນຊາຍແດນແຂວງ ຮ່າຕິ້ງ. ພາບ: ມິງຕ່ວານ. |
ຕາງໜ້າການນຳແຂວງ ບໍລິຄຳໄຊ, ທ່ານ ສຸວັນ ໄຊຊະນະ ໄດ້ຮັບຮູ້ ແລະຕີລາຄາສູງການຊ່ວຍເຫຼືອອັນລ້ຳຄ່າຂອງທະຫານປ້ອງກັນຊາຍແດນ ຮ່າຕິ້ງ ໃນວຽກງານກໍ່ສ້າງ ແລະພັດທະນາສາຍພົວພັນທີ່ເປັນມູນເຊື້ອພິເສດລະຫວ່າງກຳລັງປະກອບອາວຸດ ແລະປະຊາຊົນແຂວງ ຮ່າຕິ້ງ ແລະແຂວງ ບໍລິຄຳໄຊ.
ມາຢ້ຽມຢາມ, ອວຍພອນປີໃໝ່ທະຫານປ້ອງກັນຊາຍແດນ ກວາງບິ່ງ, ທ່ານພັນເອກ ແກ້ວດາວົງ ໄຊຍາແສງ, ຫົວໜ້າກອງບັນຊາການປ້ອງກັນຄວາມສະຫງົບແຂວງ ຄຳມ່ວນ ໄດ້ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່, ການຊ່ວຍເຫຼືອຂອງກອງບັນຊາການທະຫານປ້ອງກັນຊາຍແດນແຂວງ ໃນບັນດາວຽກງານ ແລະແຈ້ງໃຫ້ກັນຊາບສະພາບການປະກົດຂຶ້ນໃນບໍລິເວນຊາຍແດນ ແລະສະພາບການເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບຂອງແຂວງ ຄຳມ່ວນ; ພ້ອມທັງ, ສົ່ງຄຳອວຍພອນປີໃໝ່ເຖິງພະນັກງານ, ນັກຮົບທະຫານປ້ອງກັນຊາຍແດນແຂວງ ກວາງບິ່ງ ແລະຄອບຄົວ ເນື່ອງໃນໂອກາດໃກ້ຈະຮອດບຸນປີໃໝ່ປະຈຳຊາດປີຈໍ 2018.
ສອງຝ່າຍໄດ້ແຈ້ງໃຫ້ກັນຊາບ, ແລກປ່ຽນເປັນເອກະພາບ ແລະຮັບຮູ້ບັນດາໝາກຜົນທີ່ບັນລຸໄດ້ໃນວຽກງານສົມທົບກັນ, ແກ້ໄຂສະພາບການ; ກວດກາ, ຕໍ່ສູ້ ແລະສະກັດກັ້ນບັນດາການເຄື່ອນໄຫວລະເມີດກົດໝາຍ ແລະຕ້ານທຳລາຍຂອງອິດທິກຳລັງທີ່ເປັນປໍລະປັກ, ປະຕິການເພື່ອມີມາດຕະການຮັບມືຢ່າງທັນການ.
ແປໂດຍ: ຮຸຍດົງ