ແຂວງ ເທື່ອທຽນເຫວ້: ມອບຂອງຂວັນໃຫ້ແກ່ຄົນລາວຢູ່ເຂດຕິດຈອດກັບຊາຍແດນ
ກປ.ອອນໄລ - ໃນໄລຍະຜ່ານມາ, ທະຫານປ້ອງກັນຊາຍແດນແຂວງ ເທື່ອທຽນເຫວ້ ໄດ້ຜັນຂະຫຍາຍການເຄື່ອນໄຫວແທດຈິງຫຼາຍຢ່າງ, ຊ່ວຍເຫຼືອປະຊາຊົນຢູ່ບ້ານ ກະໂລ ແລະ ບ້ານ ເຊຊາບ...
ວັນທີ 31 ມັງກອນ, ກອງບັນຊາການທະຫານປ້ອງກັນຊາຍແດນແຂວງ ເທື່ອທຽນເຫວ້ ສົມທົບກັບສະຫະພັນແມ່ຍິງແຂວງ ເທື່ອທຽນເຫວ້ ໄດ້ໄປຢ້ຽມຢາມ ແລະມອບຂອງຂວັນ 136 ພູດ ໃຫ້ແກ່ປະຊາຊົນ ບ້ານ ກະໂລ ແລະ ບ້ານ ເຊຊາບ, ເມືອງ ກະລຶມ, ແຂວງ ເຊກອງ, ປະເທດ ລາວ.
|
|
ຄະນະຈັດຕັ້ງມອບຂອງຂວັນໃຫ້ປະຊາຊົນຢູ່ ບ້ານ ເຊຊາບ. ພາບ: ງອັກບິ່ງ. |
ນີ້ແມ່ນການເຄື່ອນໄຫວເພື່ອສະແດງອາລົມຈິດຮັກແພງຊ່ວຍເຫຼືອກັນ, ຄວາມເອົາໃຈໃສ່ຂອງພະນັກງານ, ນັກຮົບທະຫານປ້ອງກັນຊາຍແດນແຂວງ ເທື່ອທຽນເຫວ້ ຕໍ່ກັບປະຊາຊົນລາວ, ຜ່ານນັ້ນຮັດແໜ້ນນ້ຳໃຈສາມັກຄີແບບພິເສດຫວຽດນາມ-ລາວ, ກໍ່ສ້າງຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະພັດທະນາ.
ໃນໄລຍະຜ່ານມາ, ທະຫານປ້ອງກັນຊາຍແດນແຂວງ ເທື່ອທຽນເຫວ້ ໄດ້ຜັນຂະຫຍາຍການເຄື່ອນໄຫວແທດຈິງຫຼາຍຢ່າງ, ຊ່ວຍເຫຼືອປະຊາຊົນຢູ່ບ້ານ ກະໂລ ແລະ ບ້ານ ເຊຊາບ ຄື: ໜູນຊ່ວຍກໍ່ສ້າງເຮືອນ, ໜູນຊ່ວຍແນວພັນພືດ, ສັດລ້ຽງ, ຈັດຕັ້ງບັນດາການເຄື່ອນໄຫວໂຄສະນາ, ເຜີຍແຜ່ຄວາມຮູ້, ເຕັກນິກປູກຝັງ...ຜ່ານນັ້ນ, ປະຊາຊົນປະເທດເພື່ອນບ້ານສາມາດລົບລ້າງໄດ້ຄວາມອຶດຫິວ, ຫຼຸດຜ່ອນຄວາມທຸກຍາກໄດ້, ເຮັດໃຫ້ຊີວິດການເປັນຢູ່ເປັນປົກກະຕິ.
ແປໂດຍ: ຮຸຍດົງ