ຄະນະປະຕິບັດງານທະຫານເຮືອເຂດ 2 ສົ່ງຂອງຂວັນປີໃໝ່ໃຫ້ພະນັກງານ, ນັກຮົບຮ້ານເວນຍາມ DK1
ກປ. ອອນໄລ - ໃນລະຫວ່າງວັນທີ 7- 8 ມັງກອນ, ຄະນະປະຕິບັດງານເລກທີ 2 ຂອງກອງບັນຊາການທະຫານເຮືອເຂດ 2 ໄດ້ໄປມອບຂອງຂວັນປີໃໝ່ ແລະລະດົມກຳລັງໃຈໃຫ້ພະນັກງານ, ນັກຮົບຮ້ານເວນຍາມ DK1/15 (ກຸ່ມ ຟຸກງວຽນ), DK1/11, DK1/12 ແລະ DK1/14 (ກຸ່ມ ຕືຈິງ).
ບັນດາຫໍ່ຂອງຂວັນ, ເຄື່ອງຫຼິ້ນບຸນຕ້ອນຮັບປີໃໝ່ລວມມີຕົ້ນດອກເຜິ້ງ, ຕົ້ນໝາກແປ້ນ, ໜັງສືພິມ, ບັດອວຍພອນປີໃໝ່, ເຂົ້າໜົມ, ເຂົ້າໜຽວ, ໝາກຖົ່ວຂຽວ, ໃບຕອງ, ຊີ້ນໝູ, ຢໍ່... ຊ່ວຍພະນັກງານ, ນັກຮົບຮ້ານເວນຍາມຕ້ອນຮັບປີໃໝ່ຄືກັນກັບຜູ້ທີ່ຢູ່ໃນເຂດດິນຕໍ່ແຜ່ນຢ່າງຄົບຖ້ວນ.
|
|
ຄະນະປະຕິບັດງານທະຫານເຮືອເຂດ 2 ສົ່ງຂອງຂວັນປີໃໝ່ໃຫ້ພະນັກງານ, ນັກຮົບຮ້ານເວນຍາມ DK1/12. ພາບ: ຈູງແທ່ງ. |
ຕາງໜ້າໃຫ້ຄະນະພັກ, ກອງບັນຊາການທະຫານເຮືອເຂດ 2, ທ່ານພັນເອກພິເສດ ຮວິ່ງວິງຕ໊ວຽນ ໄດ້ຊົມເຊີຍບັນດາຜົນງານ ເຊິ່ງພະນັກງານ, ນັກຮົບຮ້ານເວນຍາມບັນລຸໄດ້ໃນປີຜ່ານມາ; ອວຍພອນພະນັກງານ, ນັກຮົບຮ້ານເວນຍາມຕ້ອນຮັບປີໃໝ່ 2019 ຢ່າງເບີກບານມ່ວນຊື່ນ, ປອດໄພ, ປະຢັດ, ກຽມພ້ອມສູ້ຮົບຢ່າງສູງ.
ມີນັກຂ່າວຫຼາຍຄົນມາຈາກບັນດາອົງການສື່ມວນຊົນຂັ້ນສູນກາງ ແລະທ້ອງຖິ່ນເຂົ້າຮ່ວມຄະນະປະຕິບັດງານກໍ່ສົ່ງຄໍາຢື້ຢາມຖາມຂ່າວ, ລະດົມກຳລັງໃຈ ແລະຮ້ອງເພງມອບເປັນຂອງຂວັນໃຫ້ບັນດາພະນັກງານ, ນັກຮົບຮ້ານເວນຍາມຜ່ານເຄື່ອງໂທລະເລກ.
|
|
ບັນດາສະມາຊິກຂອງຄະນະປະຕິບັດງານຍົກສູງທຸງຊາດທີ່ມີລາຍເຊັນຂອງທີມຊາດຫວຽດນາມ ເພື່ອ “ສົ່ງກໍາລັງໃຈ” ມາໃຫ້ພະນັກງານ, ນັກຮົບຮ້ານເວນຍາມ. ພາບ: ຈູງແທ່ງ. |
ຕາງໜ້າຜູ້ບັນຊາການບັນດາຮ້ານເວນຍາມ ໄດ້ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່ຈາກພັກ, ລັດ, ກອງທັບ ແລະປະຊາຊົນທົ່ວປະເທດ; ຢືນຢັນວ່າຈະສືບຕໍ່ຜ່ານຜ່າທຸກຄວາມຫຍຸ້ງຍາກ ເພື່ອປະຕິບັດສໍາເລັດໜ້າທີ່ເປັນຢ່າງດີ, ປົກປັກຮັກອຳນາດອະທິປະໄຕທະເລໝູ່ເກາະຂອງປະເທດໄວ້ຢ່າງໝັ້ນຄົງ.
ໂດຍ: ເກື່ອງດັ້ງ