ເພີ່ມທະວີການຮ່ວມມືລະຫວ່າງທະຫານເຂດ 7 ກັບກອງບັນຊາການທະຫານບົກ ກອງທັບລາດຊະວົງກໍາປູເຈຍ
ກປ.ອອນໄລ - ວັນທີ 12 ທັນວາ, ຢູ່ນະຄອນຫຼວງພະນົມເປັນ (ກໍາປູເຈຍ), ຄະນະພະນັກງານຂັ້ນສູງກອງບັນຊາການທະຫານເຂດ 7 ໂດຍທ່ານພົນຕີ ຫວໍມິງເລືອງ, ຜູ້ບັນຊາການທະຫານເຂດ 7 ເປັນຫົວໜ້າຄະນະ ໄດ້ເຂົ້າຮ່ວມການພົບປະເຈລະຈາຕີລາຄາໝາກຜົນການຮ່ວມມື ປີ 2017-2018 ແລະລົງນາມໃນການຮ່ວມມື ປີ 2019-2020 ລະຫວ່າງກອງບັນຊາການທະຫານເຂດ 7 ກັບກອງບັນຊາການທະຫານບົກ ກອງທັບລາດຊະວົງກໍາປູເຈຍ.
ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບປະຕິບັດບັນດາເນື້ອໃນຂໍ້ຕົກລົງ, ພ້ອມທັງເພີ່ມທະວີການແລກປ່ຽນສະພາບການ, ລາດຕະເວນ, ຄວບຄຸມການປົກປັກຮັກສາຊາຍແດນ; ສົມທົບກັນໃນບັນດາການເຄື່ອນໄຫວຕ້ານ ແລະສະກັດກັ້ນອາດຊະຍາກໍາຂ້າມຊາດປະເພດຕ່າງໆ, ການເຄື່ອນໄຫວກໍ່ການຮ້າຍ, ການຂ້າມຊາຍແດນຢ່າງຜິດກົດໝາຍ; ສືບຕໍ່ຮ່ວມມືຍູ້ແຮງວຽກງານຂີດເສັ້ນຊາຍແດນ ແລະປັກຫຼັກໝາຍຊາຍແດນໃນທາງບົກ. ຍູ້ແຮງວຽກງານໂຄສະນາ, ຂົນຂວາຍປະຊາຊົນຢູ່ສອງຝາກຊາຍແດນ ປະຕິບັດບັນດາຂໍ້ຕົກລົງຂອງລັດຖະບານສອງປະເທດຢ່າງເຂັ້ມງວດ; ສົມທົບກັບສະພາກາແດງບັນດາທ້ອງຖິ່ນ ຈັດຕັ້ງຄະນະກວດພະຍາດ, ແຈກຢາຍຢຸກຢາໂດຍບໍ່ເສຍຄ່າ, ມອບຂອງຂວັນໃຫ້ຄົນກໍາປູເຈຍທີ່ທຸກຍາກ, ຊາວຂະແມເຊື້ອຊາດຫວຽດນາມຢູ່ເຂດທີ່ໄດ້ແຮກສ່ຽວນຳກັນ.
|
|
ການນໍາສອງກົມກອງທີ່ພິທີລົງນາມໃນການຮ່ວມມື. ພາບ: ງັອກຕວນ. |
ສອງຝ່າຍສືບຕໍ່ເພີ່ມທະວີ, ປັບປຸງສາຍພົວພັນສາມັກຄີ, ມິດຕະພາບ, ການຮ່ວມມືທີ່ເປັນມູນເຊື້ອ, ຊ່ວຍເຫຼືອກັນພັດທະນາ, ພິເສດແມ່ນສົມທົບກັນກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ພັດທະນາແບບຍືນຍົງ.
ໂດຍ: ທູຈາງ