ຫວຽດນາມ - ລາວ ເພີ່ມທະວີການພົວພັນຮ່ວມມືດ້ານປ້ອງກັນຊາຍແດນ
ກປ.ອອນໄລ - ຕອນເຊົ້າວັນທີ 21 ພະຈິກ, ທີ່ນະຄອນວີງ (ແຂວງເງະອານ) ໄດ້ດຳເນີນກອງປະຊຸມປະເມີນຜົນ 5 ປີແຫ່ງການປະຕິບັດຂະບວນການແຮກສ່ຽວຂອງບັນດາກຸ່ມຊຸມຊົນທີ່ຢູ່ກົງກັນຂ້າມສອງຟາກຊາຍແດນຂຶ້ນກັບແຂວງເງະອານ ແລະທ້ອງຖິ່ນປະເທດເພື່ອນມິດລາວ.
|
|
ກອງປະຊຸມປະເມີນຜົນ 5 ປີແຫ່ງການປະຕິບັດຂະບວນການແຮກສ່ຽວ. ພາບ: baonghean.vn |
ໃນ 5 ປີຜ່ານມາ, ແຂວງເງະອານ ແລະ 3 ແຂວງ: ຫົວພັນ, ຊຽງຂວາງ, ບໍລິຄຳໄຊໄດ້ຈັດຕັ້ງການແຮກສ່ຽວລະຫວ່າງ ບ້ານ ກັບບ້ານໄດ້ 19 ຄູ່; ຜ່ານນັ້ນຍົກສູງຄວາມຮູ້, ຮັບຜິດຊອບເທື່ອລະກ້າວຂອງປະຊາຊົນບັນດາເຜົ່າຢູ່ເຂດຊາຍແດນສຳລັບພາລະກິດປົກປັກຮັກສາອຳນາດອະທິປະໄຕຮັກສາຄວາມສະຫງົບຢູ່ເສັ້ນຊາຍແດນຂອງແຕ່ລະປະເທດ; ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ຮັບໃຊ້ຄວາມຕ້ອງການພັດທະນາເສດຖະກິດ, ສັງຄົມ, ຍົກສູງລະດັບຄວາມຮູ້ຂອງປະຊາຊົນ, ລົບລ້າງຄວາມອຶດຫິວ - ຫຼຸດຜ່ອນຄວາມທຸກຍາກ, ປົວແປງຊີວິດການເປັນຢູ່ຂອງປະຊາຊົນຢູ່ສອງຟາກຊາຍແດນ, ປະກອບສ່ວນປັບປຸງ, ພັດທະນາສາຍພົວພັນສາມັກຄີມິດຕະພາບແບບພິເສດ ຫວຽດນາມ - ລາວ.
ໂດຍ: ທູຮັ່ງ