ງານວາງສະແດງ “ທະເລ, ໝູ່ເກາະ ແລະນັກຮົບທະຫານເຮືອ”
ກປ.ອອນໄລ - ຕອນເຊົ້າວັນທີ 18 ກໍລະກົດ, ຢູ່ແຂວງ ລາວກາຍ, ເຫຼົ່າທັບເຮືອໄດ້ສົມທົບກັບຄະນະພັກແຂວງ ລາວກາຍ ຈັດຕັ້ງງານວາງສະແດງ “ທະເລ, ໝູ່ເກາະ ແລະນັກຮົບທະຫານເຮືອ” ແລະ “ລາວກາຍ ຮ່ວມແຮງຮ່ວມໃຈສ້າງສາ ແລະປົກປັກຮັກສາອໍານາດອະທິປະໄຕຊາຍແດນ”.
ງານວາງສະແດງໄດ້ແນະນໍາຮູບຖ່າຍ 300 ແຜ່ນ, ແຜນວາດ ແລະແຜນທີ່ 16 ແຜ່ນ, ເອກະສານ, ວັດຖຸພັນ 100 ຢ່າງທີ່ໄດ້ສະແດງໃຫ້ເຫັນບັນດາເນື້ອໃນ, ຮູບພາບທີ່ມີຊີວິດຊີວາກ່ຽວກັບທະເລ, ໝູ່ເກາະ ແລະນັກຮົບທະຫານເຮືອ ກໍ່ຄືບັນດາຄວາມມານະພະຍາຍາມຂອງແຂວງ ລາວກາຍ ໃນການພັດທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ຮ່ວມແຮງຮ່ວມໃຈສ້າງສາ ແລະປົກປັກຮັກສາອໍານາດອະທິປະໄຕຊາຍແດນ, ທະເລ, ໝູ່ເກາະຂອງປະເທດຊາດ.
    |
 |
|
ບັນດາຜູ້ແທນມາຢ້ຽມຊົມງານວາງສະແດງ. ພາບ: ສໍານັກຂ່າວສານຫວຽດນາມ. |
ນີ້ແມ່ນການເຄື່ອນໄຫວທີ່ມີຄວາມໝາຍໃນບັນດາເຫດການສົມທົບກັນໂຄສະນາເຜີຍແຜ່ກ່ຽວກັບທະເລ, ໝູ່ເກາະລະຫວ່າງຄະນະພັກເຫຼົ່າທັບເຮືອກັບຄະນະພັກແຂວງ ລາວກາຍ. ຜ່ານນັ້ນ, ປະກອບສ່ວນໂຄສະນາເຜີຍແຜ່ໃຫ້ພະນັກງານ, ນັກຮົບ ແລະປະຊາຊົນທຸກຊັ້ນຄົນຢູ່ແຂວງຊາຍແດນ ລາວກາຍ ມີຄວາມຮັບຮູ້ຢ່າງເລິກເຊິ່ງກວ່າກ່ຽວກັບທີ່ຕັ້ງ, ບົດບາດ, ຄວາມສໍາຄັນຂອງທະເລ, ໝູ່ເກາະໃນພາລະກິດສ້າງສາ ແລະປົກປັກຮັກສາປະເທດຊາດ.
ງານວາງສະແດງຈະໄດ້ດໍາເນີນຮອດວັນທີ 20 ກໍລະກົດ ຈຶ່ງອັດລົງ.
ແປໂດຍ: ເຈິ່ນຮວ່ຽນ